Мінскі гарадскі суд 16 траўня вынес завочны прысуд па крымінальнай справе выканаўчага сакратара Каардынацыйнай рады, сябра аргкамітэта па стварэнні партыі «Разам» Івану Краўцову. Справу разглядала суддзя Анжэла Касцюкевіч, піша «Вясна».
Іван Краўцоў
Спецыяльную вытворчасць у дачыненні да палітычнага актывіста Следчы камітэт распачаў 23 студзеня 2024 года.
Івана Краўцова абвінавачваюць па чатырох артыкулах Крымінальнага кодэкса:
- ч. 1 арт. 361-1 («Стварэнне экстрэмісцкага фарміравання альбо ўдзел у ім»);
- ч. 4 арт. 209 («Махлярства»);
- ч. 1 арт. 357 («Змова ці іншыя дзеянні, учыненыя з мэтай захопу дзяржаўнай улады»);
- ч. 3 арт.130 («Распальванне іншай сацыяльнай варожасці або варажнечы»)
Па сукупнасці ўсіх артыкулаў Краўцову прызначана канчатковае пакаранне ў выглядзе пазбаўлення волі на тэрмін 11 гадоў з адбываннем у папраўчай калоніі ва ўмовах узмоцненага рэжыму.
Для абвінавачання паводле ч. 4 арт. 209 КК («Махлярства), якое першапачаткова фігуравала ў раскладзе, суд належных падстаў не знайшоў.
Іван Краўцоў — палітычны актывіст, архітэктар, менеджар, выканаўчы сакратар Каардынацыйнай рады, сябра аргкамітэта па стварэнні партыі «Разам» і каманды кандыдата ў прэзідэнты Беларусі на выбарах 2020 года Віктара Бабарыкі.
Краўцова затрымалі разам з Марыяй Калеснікавай, Антонам Раднянковым, Глебам Германам і Максімам Баграцовым 7 верасня 2020 года. На другі дзень Краўцова, Раднянкова і Калеснікаву вывезлі на мяжу з Украінай. Тады Раднянкоў і Краўцоў перасеклі мяжу, а Марыя Калеснікава была ўзятая пад варту памежнікамі, бо парвала свой пашпарт.
«Чаму цягнікі не ходзяць у Вільню? Што, Лукашэнка карыстаецца электрычкамі?» — Краўцоў
Іван Краўцоў распавёў пра лёс свайго бацькі — буйнога банкіра, якога арыштавалі
Што члены штаба Бабарыкі шукалі ў Маскве
Што са станам здароўя Бабарыкі
Пра пошукі падтрымкі ў Крамлі, пасадку бацькі-банкіра, інсайды выбараў-2020 і Вячорку. Новы «Ток» з Іванам Краўцовым
Цяпер чытаюць
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары