Завочна будуць судзіць заснавальніка «Новага зроку» Алега Каўрыгіна
Следчы камітэт распачаў спецыяльную вытворчасць у дачыненні да заснавальніка медыцынскага цэнтра «Новы зрок» Алега Каўрыгіна. Сярод артыкулаў ёсць і выразна палітычныя.
Алег Каўрыгін
Каўрыгіну ставяць у віну распальванне нянавісці (арт. 130), ухіленне ад выплаты падаткаў і збораў (арт. 243), ухіленне ад выканання абавязкаў падатковага агента ў пералічэнні падаткаў і збораў (арт. 243-1), ухіленне ад выплаты страхавых унёскаў (арт. 243-3), незаконныя дзеянні ў дачыненні да агнястрэльнай зброі, боепрыпасаў і выбуховых рэчываў (арт. 295), заклікі да санкцый (арт. 361), садзейнічанне экстрэмісцкай дзейнасці (арт. 361-4), дыскрэдытацыю Беларусі (арт. 369-1) і службовы падлог (арт. 427).
Алег Каўрыгін — заснавальнік медыцынскага цэнтра «Новы зрок», якога год таму пазбавілі медыцынскай ліцэнзіі.
Каўрыгін знаходзіцца за межамі Беларусі. Ён назваў абвінавачванні супраць яго спробай дзяржаўнага рэкету і помстай за грамадзянскую пазіцыю медыкаў «Новага зроку» ў 2020-м.
«Мне 55 гадоў. Я прайшоў 90-я, але ніколі не плаціў бандытам. А для мяне што бандыт, які прыходзіць са зброяй у руках патрабаваць нечага, што чыноўнік з пасведчаннем — бандыт. У іх там унутры ёсць паняцце, што я недамоваздольны. Я не плачу. Галоўная мэта, каб ім далі хабар. Нейкую частку ў бюджэт, але галоўнае ім», — сказаў Каўрыгін у інтэрв'ю.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў20
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары