Вайна22

Белы дом: Дазвол на ўдары зброяй з ЗША па Расіі тычыцца не толькі Харкаўшчыны

Дырэктар па пытаннях Еўропы Рады нацыянальнай бяспекі Белага дома Майкл Карпентэр заявіў, што рашэнне ЗША дазволіць Украіне ўдары амерыканскай зброяй па тэрыторыі Расіі тычыцца не толькі Харкаўскай вобласці. Пра гэта ён сказаў у эксклюзіўным інтэрв'ю ўкраінскай ТСН, паведамляе «Еўрапейская праўда».

Майкл Карпентэр. Скрыншот з відэа

Карпентэр адзначыў, што з меркаванняў аператыўнай бяспекі не можа раскрываць дэталі ўмоў, пры якіх Украіна можа наносіць удары па расійскай тэрыторыі. Ён, аднак, у адказ на ўдакладняючае пытанне пацвердзіў, што гаворка ідзе пра тэрыторыі не толькі каля Харкаўскай вобласці, але і Сумшчыны.

«Гэта тычыцца ўсяго рэгіёну на поўначы [Украіны], дзе расійскія сілы абстрэльваюць Украіну. Раней яны маглі адносна бяспечна адтуль абстрэльваць, але цяпер украінскія сілы могуць выкарыстоўваць нашы боепрыпасы і зброю, каб мець магчымасць весці агонь у адказ», — адзначыў прадстаўнік Рады нацбяспекі ЗША.

Карпентэр, аднак, адмовіўся гаварыць, ці можа рашэнне Вашынгтона распаўсюдзіцца на іншыя расійскія тэрыторыі.

«Як я толькі што сказаў, гэтыя рэкамендацыі тычацца паўночнай мяжы ў Харкаўскай і Сумскай абласцях, дзе расійскія сілы вядуць агонь па Украіне», — падкрэсліў ён.

З лютага 2022 года ЗША адмаўляліся дазволіць выкарыстоўваць любую зброю, якую яны пастаўляюць Украіне, для ўдараў па тэрыторыі Расіі. У той жа час ёй было дазволена наносіць удары па цэлях у Крыме, паколькі ён знаходзіцца ў міжнародна прызнаных межах Украіны, а Вашынгтон не прызнае анексію паўвострава Масквой.

Каментары2

  • Божа, бамбі Белгарад
    01.06.2024
    Белгарад, сьпіш?
  • ДжМакейн
    01.06.2024
    Удары з ЗША па Расіі. Як здорава гучыць!

Цяпер чытаюць

Стылістка пракаментавала школьную форму «Беллегпрама» — а вам як? ШМАТ ФОТА3

Стылістка пракаментавала школьную форму «Беллегпрама» — а вам як? ШМАТ ФОТА

Усе навіны →
Усе навіны

Мінчук чатыры гады трымаў у рабстве пенсіянераў і прымушаў іх прасіць міласціну. Яны ўжо памерлі12

Зноў арыштавалі злодзея ў законе Паштэта. Пра яго затрыманне паведамлялі і вясной, але тады адпусцілі5

Памёр Віктар Вабішчэвіч1

«Каркас улады агаліўся, і добра відаць, што складаецца яна пераважна з гаўна і палак»9

Былога афганца з Віцебска асудзілі да калоніі за «садзейнічанне экстрэмісцкай дзейнасці»

Беларуская спявачка Рыта Дакота атрымала расійскае грамадзянства пасля ўварвання Расіі ва Украіну7

Прадукты з цвіллю і чарвякамі. Санстанцыя праверыла крамы, на якія скардзіліся пакупнікі2

У Мінску прадаюць легендарны заамагазін8

Тры фактары, чаму Трампу цікавы Лукашэнка. Меркаванне Шрайбмана20

больш чытаных навін
больш лайканых навін

Стылістка пракаментавала школьную форму «Беллегпрама» — а вам як? ШМАТ ФОТА3

Стылістка пракаментавала школьную форму «Беллегпрама» — а вам як? ШМАТ ФОТА

Галоўнае
Усе навіны →

Заўвага:

 

 

 

 

Закрыць Паведаміць