Святара ўжо больш за месяц утрымліваюць у ізалятары.
Раней стала вядома, што яму паставілі ў віну размяшчэнне ў фэйсбуку фатаграфій са сваёй выявай з бел-чырвона-белым сцягам і сцягам Украіны. Гэта стала падставай для прыцягнення клірыка па ч. 1 арт. 24.23 КаАП (парушэнне ўстаноўленага парадку правядзення пікетавання).
Аднак сёння ў Віцебскім абласным судзе разглядаецца абскарджанне ягоных арыштаў. І там апроч ст. 24.23 указана і арт. 19.11 КаАП (распаўсюджванне экстрэмісцкіх матэрыялаў), піша Хрысціянская візія.
Айцец Анджэй Юхневіч — старшыня каардынацыйнай групы пробашчаў і прадстаўнікоў манаскіх абшчын Беларусі. Гэта касцёльны арган, які займаецца супрацоўніцтвам паміж манаскімі ордэнамі.
На гэты момант невядома, ці быў ён вызвалены, пасля таго, як быў затрыманы 8 мая і адбываў прызначаныя яму арышты больш за адзін месяц.
Цяпер чытаюць
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары