Šumilinskamu ksiandzu aformili taksama pratakoł za «ekstremizm»
Śviatara ŭžo bolš za miesiac utrymlivajuć u izalatary.
Raniej stała viadoma, što jamu pastavili ŭ vinu raźmiaščeńnie ŭ fejsbuku fatahrafij sa svajoj vyjavaj ź bieł-čyrvona-biełym ściaham i ściaham Ukrainy. Heta stała padstavaj dla pryciahnieńnia kliryka pa č. 1 art. 24.23 KaAP (parušeńnie ŭstanoŭlenaha paradku praviadzieńnia pikietavańnia).
Adnak siońnia ŭ Viciebskim abłasnym sudzie razhladajecca abskardžańnie jahonych aryštaŭ. I tam aproč st. 24.23 ukazana i art. 19.11 KaAP (raspaŭsiudžvańnie ekstremisckich materyjałaŭ), piša Chryścijanskaja vizija.
Ajciec Andžej Juchnievič — staršynia kaardynacyjnaj hrupy probaščaŭ i pradstaŭnikoŭ manaskich abščyn Biełarusi. Heta kaściolny arhan, jaki zajmajecca supracoŭnictvam pamiž manaskimi ordenami.
Na hety momant nieviadoma, ci byŭ jon vyzvaleny, paśla taho, jak byŭ zatrymany 8 maja i adbyvaŭ pryznačanyja jamu aryšty bolš za adzin miesiac.
Kamientary