Эканоміка44

Кітай зацягвае пастаўкі новых цягнікоў у Беларусь, бо баіцца трапіць пад санкцыі

Практычна ўсё высокатэхналагічнае абсталяванне гэтых электравозаў вырабляецца ў Еўропе ці ЗША. 

Электравоз серыі БКГ2. Фота: «Супольнасць чыгуначнікаў Беларусі».

Дэталі апісвае «Супольнасць чыгуначнікаў Беларусі».

Беларуская чыгунка мусіла атрымаць 15 новых грузавых электравозаў БКГ2 у канцы 2023 года. Такі кантракт яна заключыла з Кітайскай кампаніяй па экспарце і імпарце электраабсталявання і CRRC Датунскай электравозабудаўнічай кампаніяй.

Але пастаўка адклалася. Новы тэрмін — 2025-2026 гады. Кошт новага кантракту ўжо складае 57,7 млн даляраў.

Кітайскія партнёры асцерагаюцца наступстваў за парушэнне накладзеных на беларускі рэжым санкцый — у вытворчасці электравозаў выкарыстоўваюцца еўрапейскія і амерыканскія камплектуючыя. Практычна ўсё высокатэхналагічнае абсталяванне — імпартнае. 

Да такога абсталявання адносяцца сілавыя трансфарматары, цягавыя электрарухавікі і пераўтваральнікі, а таксама амаль усе сістэмы кіравання, дыягностыкі і маніторынгу. Прымяняюцца пры вырабе электравозаў распрацоўкі вядучых у свеце кампаній транспартнага машынабудавання: «Alstom» (Францыя), «Bombardier» (Канада), «АВВ» (Швецыя), «Knorr-Bremse» (Германія).

Кітай шукае варыянты выйсця.

Адным з іх Міністэрства камерцыі Кітая бачыць арганізаваць вытворчасць электравозаў серыі БКГ2 для БЧ без выкарыстання падсанкцыйнага абсталявання, запчастак і камплектуючых. Але, з улікам долі іх прымянення ў канчатковым прадукце, рэалізаваць такое фактычна не рэальна. Гэта прызнае і сам вытворца, не беручыся дакладна ацаніць перспектыву і тэрміны рэалізацыі такой ідэі, акуратна заяўляючы, што гэта можа расцягнуцца на доўгія гады без гарантыі поспеху.

Другі варыянт, больш рэальны — пачаць «выдаляць сляды» выкарыстання ўсяго, што можа адносіцца да еўрапейскіх і амерыканскіх кампаній, якія не вітаюць адкрыты продаж сваёй прадукцыі падсанкцыйным краінам і арганізацыям.

Гэтыя пытанні разглядаліся і ў час рабочай сустрэчы прадстаўнікоў Беларусбанка і Эксімбанка 24 красавіка 2024 у Пекіне ў ходзе абмеркавання льготнага крэдытавання праекта закупкі 15 электравозаў для БЧ. У выніку Мінкамерцыі Кітая праінфармавала аб гатоўнасці шукаць спосабы пазбягаць санкцыйных рызык, а таксама аб магчымых дзеяннях па вырашэнні гэтай праблемы. Аднак для гэтага кітайскі бок патрабуе падпісаць адпаведны доўгатэрміновы мемарандум паміж БЧ і CRRC, забяспечваючы такім чынам сабе абарону фінансавых выдаткаў на развязанне задач абыходу санкцый.

Каментары4

  • * * * * * *
    23.06.2024
    Практычна ўсё высокатэхналагічнае абсталяванне — імпартнае.Да такога абсталявання адносяцца сілавыя трансфарматары, цягавыя электрарухавікі і пераўтваральнікі, а таксама амаль усе сістэмы кіравання, дыягностыкі і маніторынгу.
    Если все перечисленное снять, в оставшуюся колымагу можно запрячь табун коней или ябатек. Этого должно хватить чтобы возить навоз на арбузное поле. А если обшить фанерой, выйдет хороший бронепоезд для ..... Англосаксы, ваша карта бита, обойдемся мы без ваших технологиев!
  • Жора
    23.06.2024
    Значыць, праз зношанасць абсталявання неўзабаве нас чакаюць тэхналагічныя катастрофы на чыгунцы. Напэўна, з людскімі ахвярамі. Што тады скажуць тыя, хто ўвесь час заклікаў і заклікае дагэтуль "ураўняць санкцыі"?
  • Хахаха
    24.06.2024
    “ Кітайскія партнёры асцерагаюцца наступстваў за парушэнне накладзеных на беларускі рэжым санкцый — у вытворчасці электравозаў выкарыстоўваюцца еўрапейскія і амерыканскія камплектуючыя”. — Тут жа нядаўна быў артыкул пра “дасаггенні і сусветны ўзровень кітайчкай навукі”.

Цяпер чытаюць

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду12

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду

Усе навіны →
Усе навіны

Ваяроў беларускага батальёна «Волат» прымусова пераводзяць у іншыя падраздзяленні18

Лукашэнка: Ніякай вайны з Еўропай Пуцін не плануе. Калі б планаваў — я б дакладна ведаў13

Зяленскі: Курская аперацыя выканала сваё заданне4

Праз тры месяцы пасля вызвалення з наваполацкай калоніі памёр былы палітвязень. Яму было 485

Беларускі фермер паказаў, як трымерам рыхтуе клубніцы да сезону — мільёны праглядаў

У AirPods плануюць дадаць сінхронны пераклад размовы

Лукашэнка пра Зяленскага: Валодзя як сын мне быў, але паступіў як гніда32

Генштаб УСУ абверг заяву Трампа аб «акружэнні ўкраінскіх войскаў»2

Чалы аналізуе задачы, якія Лукашэнка паставіў новаму ўраду3

больш чытаных навін
больш лайканых навін

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду12

Студэнт гістфака БДУ, якога катавалі ў міліцыі падчас пратэстаў. Расказваем пра загінулага каліноўца Аляксандра Сераду

Галоўнае
Усе навіны →

Заўвага:

 

 

 

 

Закрыць Паведаміць