Усяго вызвалілі 14 украінак і беларусак.
Паліцыя Іспаніі сумесна з Еўраполам правяла аперацыю па ліквідацыі злачыннай групы, якая займалася гандлем людзьмі ў мэтах сэксуальнай эксплуатацыі. Ахвярамі аказаліся пераважна ўкраінкі, а таксама некалькі беларусак, паведамляе тэлеканал «Беларусь 1».
Як сказана на сайце Еўрапола, усяго вызвалілі 14 дзяўчат. Іх завабілі абяцаннямі аформіць для іх візы бежанцаў, фінансавую падтрымку і працу.
Злачынная групоўка дзейнічала з 2020 года. Ахвяр вербавалі анлайн, у асноўным праз сацыяльныя сеткі, прадстаўляючыся менеджарамі кадравага агенцтва. Дзяўчатам абяцалі працу хостэс і абслуговага персаналу. Але ў выніку яны аказваліся ў клубе горада Эль-Эхіда ў іспанскай правінцыі Альмерыя.
Арыштаваныя пяць чалавек, уключаючы меркаванага лідара групоўкі. Гаворка ідзе пра грамадзян Іспаніі, Расіі і Украіны. Ім выстаўленыя абвінавачанні, у тым ліку ў злачынствах, звязаных з незаконнай прастытуцыяй і парушэннем правоў замежных грамадзян.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары