Дэталі звальнення былога пасла ў Германіі, які пайшоў з жыцця ў 48 гадоў
Сёння стала вядома, што скончыў жыццё самагубствам былы пасол Беларусі ў Германіі Дзяніс Сідарэнка. Ён 8 гадоў займаў гэту пасаду і быў вызвалены ад яе ў сакавіку гэтага года. Павел Латушка падзяліўся некаторымі дэталямі пра былога дыпламата.
«Мы знаёмыя каля 20 гадоў. Памятаю яго па працы кіраўніком кірунку супрацы з АБСЕ, Радай Еўропы. Малады, вельмі разумны, узважаны дыпламат. Я б яго ўспрымаў хутчэй як чалавека Уладзіміра Макея, таго, хто прадстаўляў ідэалогію нармалізацыі адносін з Еўропай. Ён прадэмакратычных поглядаў чалавек».
У Сідарэнкі сёлета скончыўся кантракт. У дзяржаўнай сістэме, калі дыпламат вяртаецца з замежнай камандзіроўкі, яго кантракт абнуляецца і заключаецца новы. Разглядалася працаўладкаванне Сідарэнкі ў цэнтральным апараце МЗС.
Але, па інфармацыі Латушкі, былы пасол не прайшоў паліграф з першага разу. Латушка мяркуе, што не прайшоў і з другога разу, таму не змог працягнуць працу ў МЗС. І гэта стрэсавая сітуацыя магла паўплываць на яго псіхічны стан.
Watch on TikTok
Мельнікава рыхтавала сваё знікненне і маніпулявала атачэннем. Пакуль няясна, ці дзейнічала яна па камандзе з Мінска58
Каментары
А вось што пераймаўся праз ад' яднаньне ад бюджэтнае цыцкі, такое падобна да праўды. Дзяржсэктар лякаецца, што прыдзецца зарабляць з дабраахвотнай згодай кантрагентаў