У Мінску ў ноч з 11 на 12 ліпеня сіноптыкі зафіксавалі «агурковую ноч». На апорнай метэастанцыі ў мікрараёне Уручча ў гэты час сутак тэмпература паветра была каля 20°С, піша тэлеграм-канал «Минск и минчанин».
Такая назва звязаная з асаблівасцю росту агуркоў. Іх плады найбольш інтэнсіўна растуць пераважна ў цёмны час сутак, пры тэмпературы каля 20°С. У іншы час яны растуць таксама, але павольней.
«Агурковая ноч» — з'ява не тое каб зусім рэдкая, але і не частая. Да гэтага яна была зафіксаваная 6 жніўня 2023 года, 22 чэрвеня 2021-га і 6 ліпеня 2020-га. У той жа час летам 2010 года тэмпературу не ніжэй за 20°С ноччу зафіксавалі 18 разоў.
Пры гэтым па-сапраўднаму «агурковай» ноч можа лічыцца тады, калі адпаведная тэмпература зафіксаваная на метэастанцыі, бо там даныя «па-навуковаму дакладныя, гэта эталон». Бо «градуснік за акном, пад капотам машыны, градуснік на нагрэтай бетоннай сцяне дома або над цёплым асфальтам будзе даваць «агурочныя ночы» як з кулямёта».
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос25
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5353
Каментары
))) Смешна. Можа зафісаваная на гурковых градах будзе больш дакладная ?