У Беларусі насамрэч спынілі трансляцыю расійскага ваеннага канала «Звезда»? Не ўсё так проста
Д'ябал у дробязях — для абсалютнай большасці карыстальнікаў вяшчае тая ж прапаганда, прычым нават у палепшанай якасці, «Звезда HD».
Трансляцыя расійскага ваеннага тэлеканала «Звезда» ў эфірным тэлебачанні «Зала» спынілася 22 ліпеня 2024 года.
Інфармацыя пра гэта з'явілася на сайце «Белтэлекама».
Яна выклікала абурэнне ў прарасійскіх актывістаў, бо «Звезда» — тэлеканал з агрэсіўнай прапагандай, які належыць медыягрупе Міністэрства абароны Расіі.
Але ці насамрэч беларусы больш не змогуць пабачыць расійскія ваенныя навіны ад «Звезды»?
«Зала» — найбуйнейшы тэлеаператар Беларусі, у яго больш за 2,5 мільёна абанентаў. Сігнал можна атрымліваць трыма спосабамі — праз прыстаўку, праз інтэрнэт, а таксама праз антэну.
Праз антэну (эфірная «Зала») глядзяць тэлебачанне тыя, хто жыве ў аддаленых рэгіёнах, дзе няма ўстойлівага інтэрнэт-злучэння. Колькасць каналаў для такіх абанентаў меншая, толькі 45 каналаў. І вось толькі для іх «Звезду» больш не паказваюць.
У астатніх карыстальнікаў «Залы» ёсць тэхнічная магчымасць глядзець 125 каналаў. І для іх расійскі ваенны канал вяшчае па-ранейшаму. Прычым не абы-які, а ў павышанай якасці — «Звезда HD».
Але папулярнасць гэтага канала ніжэйшая за статыстычную памылку. У беларускія рэйтынгі тэлеглядзення «Звезду» нават не ўключаюць, у Расіі канал займае 17-е месца.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары