ФСБ затрымала былога намесніка міністра абароны Дзмітрыя Булгакава, паведамляюць расійскія СМІ.
Яго адправілі ў СІЗА, праводзяцца следчыя дзеянні.
Булгакаў адказваў за матэрыяльна-тэхнічнае забеспячэнне расійскай арміі. У верасні 2022 яго вызвалілі ад пасады ў сувязі з пераходам на іншую працу.
У ФСБ, як і ў Следчым камітэце, заявілі, што ў дачыненні да Булгакава расследуюць крымінальную справу «карупцыйнай накіраванасці». Падрабязнасці справы не раскрываюцца. «З фігурантам праводзяцца неабходныя следчыя дзеянні», — паведамілі ў СК.
24 красавіка былога намесніка кіраўніка Мінабароны Цімура Іванова арыштавалі па абвінавачанні ў буйным махлярстве. Затым пад варту адправілі яшчэ траіх генералаў: начальніка галоўнага ўпраўлення кадраў Мінабароны Юрыя Кузняцова, былога камандуючага 58-й арміяй генерал-маёра Івана Папова і начальніка галоўнага ўпраўлення сувязі Мінабароны РФ Вадзіма Шамарына. Кузняцова і Шамарына абвінавацілі ў атрыманні хабараў, Папова — у махлярстве.
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы2
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары