У Акадэміі навук пішуць новую шматтомную гісторыю Беларусі. Што зменіцца?
Два тамы будуць прысвечаныя археалогіі.
Інстытут гісторыі НАН Беларусі займаецца падрыхтоўкай новай шматтомнай гісторыі Беларусі.
Па словах дырэктара Інстытута Вадзіма Лакізы, выданне ахопіць перыяд ад каменнага веку да сучаснасці. У падрыхтоўку працы ўцягнутыя і археолагі, піша БелТА.
«За археолагамі два тамы, яны павінны паказаць ва ўсёй разнастайнасці далетапісную гісторыю, а таксама напоўніць гісторыю дзяржаўнасці канкрэтнымі фактамі і матэрыяламі, якія не заўсёды можна адшукаць у пісьмовых крыніцах. Мы хочам, каб гэта было зусім новае выданне, строга навуковае, але разам з тым разлічанае на шырокае кола чытачоў і якое цалкам адпавядае нацыянальным інтарэсам нашай краіны», — адзначыў Лакіза.
Працу над выданнем Інстытут гісторыі НАН вядзе ў кааперацыі з калегамі з ВНУ.
«Падрыхтоўка вядзецца на аснове канцэпцыі, якая прайшла апрабацыю ў рамках падрыхтоўкі і выдання «Гісторыі беларускай дзяржаўнасці», абмеркавання і выкладання. Аднак гісторыя дзяржаўнасці — гэта ў асноўным палітычная гісторыя. Гісторыя Беларусі нашмат шырэйшая. На падрыхтаваную аснову нанізваюцца астатнія факты — эканоміка, сацыяльнае жыццё, матэрыяльная і духоўная культура, усе сферы жыццядзейнасці чалавека, грамадства і дзяржавы», — распавёў Лакіза.
Пра тэрміны выдання новай шматтомнай гісторыі Беларусі дырэктар Інстытута не распавёў.
-
Каля Барысавага каменя ў Полацку спілавалі старыя таполі. Цяпер перад Сафійскім саборам пустка
-
Гэтая беларуска так удала парадзіруе беларускіх прапагандыстаў і рускіх лібералаў, што яе відэа ўспрымаюць за чыстую манету ВІДЭА
-
Мужчыны Шапэна. Новае даследаванне расказвае пра асабістае жыццё кампазітара
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3518
Каментары
Як коласы з крапівамі ў акадэміі мову зьмянялі, нішто ня новае
Але грошы браў за здраду спраўна (