Беларусь нарасціла сілы ВПС і войскаў СПА на мяжы з Украінай — камандуючы
Беларусь нарасціла сілы ВПС і войскаў СПА, задзейнічаныя для нясення баявога дзяжурства на мяжы з Украінай, распавёў СТБ камандуючы ВПС і СПА УС Беларусі Андрэй Лук'яновіч. Таксама ён сцвярджае, што НАТА рыхтуецца да вайны з Беларуссю і Расіяй.
У інтэрв'ю СТБ Андрэй Лук'яновіч пацвердзіў словы Лукашэнкі пра ўзмацненне вайсковай групоўкі на мяжы з Украінай.
«Ужо ўзмоцнена групоўка. Яна датычыцца і авіяцыі, і зенітна-ракетных войскаў, і радыётэхнічных войскаў. Гэта значыць групоўку значна нарасцілі, і ў сапраўдны момант яна нясе дзяжурства на паўднёвых рубяжах нашай краіны», — сказаў Лук'яновіч.
Паводле яго слоў, на Захадзе ідзе падрыхтоўка да адкрытага супрацьстаяння супраць Беларусі і Расіі.
Лук'яновіч сцвярджае, што за тыдзень фіксуецца 30-40 палётаў разведвальнай авіяцыі краін НАТА.
«Ідзе пастаўка сучасных ударных узораў узбраення вайсковай спецыяльнай тэхнікі ў Польшчу. Гэта амерыканскай вытворчасці і паўднёвакарэйскай. Танкі «Абрамс», танкі «К-2», «Чорная пантэра». І таксама ў бліжэйшых планах у Польшчы атрымаць ад Злучаных Штатаў Амерыкі 32 самалёты F-35 і 96 верталётаў, баявых верталётаў ударных, гэта «Апачы». Ад Польшчы не адстаюць краіны Балтыі. Яны таксама зараз мадэрнізуюць сваю інфраструктуру і плануюць закупку і пастаўкі рэактыўнай сістэмы залпавага дня «Хаймарс», — сказаў ён.
Таксама ён распавёў, што Беларусь чакае пастаўкі авіяцыі.
«Праходзіць паэтапная мадэрнізацыя і абнаўленне авіяцыйнай тэхнікі. Увесну мы атрымалі чарговую партыю верталётаў Мі-35М. Таксама ў нас у планах у пачатку года яшчэ атрыманне дзвюх партый авіяцыйнай тэхнікі. Гэта верталёты Мі-35 і яшчэ аднаго звяна самалётаў Су-30СМ2», — сказаў ён.
Аляксандр Лукашэнка ў інтэрв'ю расійскім прапагандыстам заявіў, што УС Беларусі размясцілі на мяжы з Украінай амаль траціну беларускага войска.
Але прадстаўнік дзяржаўнай пагранслужбы Украіны Андрэй Дземчанка заявіў, што сітуацыя на мяжы з Беларуссю застаецца без зменаў, а словы Лукашэнкі не адпавядаюць рэчаіснасці.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары