«Ваенны ціск не вяртае закладнікаў дадому, ён іх забівае». У Ізраілі масавыя пратэсты супраць планаў акупаваць Газу
Прэм’ер-міністр Біньямін Нетаньяху асудзіў пратэстоўцаў, а паліцыя праводзіць арышты.
Акцыі арганізаваныя «Саветам кастрычніка» і Форумам сем’яў закладнікаў і зніклых без вестак, куды ўваходзяць сваякі выкрадзеных і загінулых пасля нападу ХАМАС 7 кастрычніка 2023 года, піша выданне The Insider.
Дэманстранты блакуюць дарогі, спыняюць рух цягнікоў, у Іерусаліме і Тэль-Авіве закрытыя многія прадпрыемствы. Удзельнікі раздаюць жоўтыя стужкі як сімвал салідарнасці з закладнікамі. Форум паведаміў, што праз «Плошчу закладнікаў» у Тэль-Авіве можа прайсці каля мільёна чалавек, а яшчэ дзясяткі тысяч выйдуць на вуліцы ў сотнях гарадоў краіны.
Па стане на вечар стала вядома пра 38 арыштаваных па ўсёй краіне, піша Ynet.
Былая закладніца Арбель Егуд выступіла разам з іншымі вызваленымі палоннымі — Ярдэнам Бібасам, чыя жонка і двое дзяцей былі забітыя ў палоне, і сям’ёй палоннага Давіда Куніа.
«Я ведаю не па чутках, што значыць быць у палоне, — сказала Егуд. — Ваенны ціск не вяртае закладнікаў дадому, ён іх забівае. Адзіны шлях — гэта адна, усеахопная здзелка, без гульняў. Мы павінны зноў і зноў спыняць звычайнае жыццё, пакуль усе не вернуцца».
Прэм’ер-міністр Біньямін Нетаньяху асудзіў пратэстоўцаў:
«Тыя, хто сёння заклікае завяршыць вайну, не дамогшыся паразы ХАМАС, не толькі ўзмацняюць яго пазіцыі і адкладаюць вяртанне нашых закладнікаў, але і адкрываюць шлях да паўтарэння жахаў кастрычніка і вядуць нас да бясконцай вайны».
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары
Таму спадар Нетаньяху мае рацыю. Але застаецца, як і з нашым калектыўным (не) разуменьнем ворагу, хіба што толькі пажадаць посьпехаў габрэям. У гэтай бясконцай справе. Бо з гэткім падыходам канца ёй сапраўды ніколі ня будзе.