Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!
Прэзідэнт ЗША ў сваёй сацсетцы Truth Social ізноў звярнуў увагу на тэму палітзняволеных у Беларусі.
«Відавочна, што важная навіна пра Беларусь, якую левыя СМІ не паведамляюць, — Прэзідэнт Трамп толькі што дамогся вызвалення зняволеных. Вызвалена 16 чалавек, і таксама абмяркоўваецца вызваленне яшчэ 1300. Дзякуй, прэзідэнт Трамп», — напісаў адзін з карыстальнікаў сацсеткі.
Дональд Трамп адказаў на гэты допіс наступным чынам:
«Дзякуй Беларусі і яе магутнаму лідару. Я спадзяюся, што 1300 чалавек таксама хутка будуць вызвалены!».
Нагадаем, што напярэдадні сустрэчы з расійскім прэзідэнтам на Алясцы 15 жніўня Дональд Трамп патэлефанаваў Аляксандру Лукашэнку. Падчас размовы амерыканскі прэзідэнт падзякаваў Лукашэнку за вызваленне 16 зняволеных і абмеркаваў магчымасць далейшага вызвалення яшчэ 1300 чалавек. Лукашэнка ў сваю чаргу заявіў, што праца над вызваленнем палітвязняў працягваецца, і запрасіў Дональда Трампа разам з сям’ёй наведаць Беларусь. Запрашэнне нібыта было прынята.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары