На новай станцыі метро ў Мінску змантавалі незвычайнае пано. Вось як яно выглядае ФОТА
Работы на станцыі «Немаршанскі сад» завяршаюцца.
Фота: Мінскбуд
На новай станцыі трэцяй лініі мінскага метро «Немаршанскі сад» змантавалі дэкаратыўнае пано. Яно выканана ў зялёным колеры і сімвалізуе, уласна, дрэвы ў садзе ў сям'і Немаршанскіх, які даў назву раёну. Такая кампазіцыя з'явілася і на столі ў вестыбюлі.
Фота: Мінскбуд
Работы на станцыі амаль завершаныя, ідзе наладка абсталявання. На ўваходах ужо ўсталяваныя турнікеты, цяпер мантуюць кабіны кантралёраў — яны таксама будуць зялёныя.
Фота: Мінскбуд
Адкрыць станцыі «Аэрадромная», «Немаршанскі сад» і «Слуцкі гасцінец» маюць да канца года.
Каментары