Палітвязня, затрыманага па вяртанні з Польшчы, будуць судзіць па двух крымінальных артыкулах
Максім Хвашчынскі — жыхар Бабруйска, якога затрымалі 26 лютага — на наступны дзень пасля таго, як вярнуўся з Польшчы.
Спачатку яго асудзілі па адміністрацыйным артыкуле 19.11 (распаўсюд экстрэмісцкіх матэрыялаў), а затым завялі крымінальную справу паводле ч. 1 і ч. 2 арт. 361-1 КК (стварэнне экстрэмісцкага фармавання) — нібыта Максім датычны да стварэння экстрэмісцкага фармавання «Бабруйск 375», а таксама экстрамісцкага тг-чату «Бобр 97%». Акрамя гэтага яго вінавацяць у «паклёпе на Лукашэнку» (арт. 367 КК).
Справу палітвязня пачне разглядаць 18 верасня Магілёўскі абласны суд. Суддзя — Ігар Шведаў, піша «Вясна».
Месца ўтрымання Максіма: Турма № 4. 212011, г. Магілёў, вул. Крупскай, 99А, Максім Уладзіміравіч Хвашчынскі
Каментары