У маі ў Фіцу стралялі пасля выязнога пасяджэння ўрада, і ён быў цяжка паранены.
У сераду прэм'ер-міністру Славакіі Роберту Фіцу даставілі канверт, у якім была куля. Пра гэта паведамілі aktuality.sk.
«Мы можам пацвердзіць, што канверт з куляй, адрасаваны прэм'ер-міністру Славакіі, сёння быў дастаўлены ва ўрадавую канцылярыю», — паведамілі ў прэс-службе славацкага ўрада.
Як адзначыла выданне, цяпер атрыманы канверт правяраюць супрацоўнікі ўпраўлення абароны службовых асоб і дыпламатычных місій Славакіі.
Нагадаем, у маі ў Фіцу стралялі ў горадзе Гандлёва пасля выязнога пасяджэння ўрада.
Са слоў сведак, якія былі на месцы здарэння, прэм'ер падышоў да людзей, якія віталі яго, і менавіта тады пачулася некалькі стрэлаў. Паводле звестак СМІ, Фіцу паранілі ў грудзі і жывот.
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі19
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары