Абнаўленне KB5043145 для Windows 11, якое выйшла ў апошнія дні верасня для ўдзельнікаў праграмы Windows Insiders, прывяло да ўзнікнення праблем з працай аперацыйнай сістэмы. Пра гэта паведаміў партал PC World.
Пасля ўсталявання абнаўлення карыстальнікі пачалі сутыкацца з рознымі непаладкамі. Некаторыя наогул не могуць загрузіць сістэму — пры спробе ўключыць камп'ютар з'яўляецца сіні «экран смерці». Іншыя паведамляюць, што ў іх не працуюць мышы і іншыя перыферыйныя прылады, а таксама адключаецца Wi-Fi і нават інтэрнэт праз сеткавы кабель.
Прадстаўнікі Microsoft пасля шматлікіх скаргаў на праблемы прызналі, што ў абнаўленні KB5043145 ёсць памылкі.
Карыстальнікам, якія сутыкнуліся з непаладкамі, прапанавалі выдаліць абнаўленне праз панэль кіравання або, калі немагчыма загрузіць сістэму, адкаціць яе да папярэдняй версіі.
Калі ж аперацыйная сістэма яшчэ не паспела спампаваць абнаўленне, рэкамендуецца гэтага не рабіць, пакуль памылкі не будуць выпраўленыя.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары