Abnaŭleńnie KB5043145 dla Windows 11, jakoje vyjšła ŭ apošnija dni vieraśnia dla ŭdzielnikaŭ prahramy Windows Insiders, pryviało da ŭźniknieńnia prablem z pracaj apieracyjnaj sistemy. Pra heta paviedamiŭ partał PC World.
Paśla ŭstalavańnia abnaŭleńnia karystalniki pačali sutykacca z roznymi niepaładkami. Niekatoryja naohuł nie mohuć zahruzić sistemu — pry sprobie ŭklučyć kampjutar źjaŭlajecca sini «ekran śmierci». Inšyja paviedamlajuć, što ŭ ich nie pracujuć myšy i inšyja pieryfieryjnyja pryłady, a taksama adklučajecca Wi-Fi i navat internet praź sietkavy kabiel.
Pradstaŭniki Microsoft paśla šmatlikich skarhaŭ na prablemy pryznali, što ŭ abnaŭleńni KB5043145 jość pamyłki.
Karystalnikam, jakija sutyknulisia ź niepaładkami, prapanavali vydalić abnaŭleńnie praz panel kiravańnia abo, kali niemahčyma zahruzić sistemu, adkacić jaje da papiaredniaj viersii.
Kali ž apieracyjnaja sistema jašče nie paśpieła spampavać abnaŭleńnie, rekamiendujecca hetaha nie rabić, pakul pamyłki nie buduć vypraŭlenyja.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary