Вольга Карач атрымала нямецкую антываенную прэмію — разам з украінцам, які заклікае спыніць пастаўкі зброі Кіеву
Беларускі палітык Вольга Карач атрымала нямецкую прэмію Людвіга Баўмана за «выбітны ўнёсак у барацьбу супраць вайны і мілітарызма».
Яшчэ ў 2020-2021 Вольга Карач усяляк вітала ўсіх, хто выступаў за акцыі «прамога дзеяння» супраць Аляксандра Лукашэнкі. А пасля перайшла ў барацьбу «за мір». Яе «Наш дом» дэкларуе, што дапамагае дэзерцірам з беларускага войска, якія не хочуць ваяваць з Украінай, але рэальных кейсаў няма — тыя людзі, якія прэзентаваліся арганізацыяй Карач як «уцекачы ад войска», насамрэч даўно выехалі з Беларусі і не маюць дачынення да арміі.
Чытайце таксама. Хто такая Вольга Карач, якая хоча падседзець Ціханоўскую?
Апроч Карач, ёсць яшчэ два лаўрэаты нямецкай прэміі. З расійскім «Рухам свядомых адказнікаў» усё зразумела — ён дапамагае маладым расіянам уцякаць з краіны, тым самым пазбягаць вайсковай службы і не ўдзельнічаць у захопніцкай вайне.
А вось з трэцім пераможцам, украінскім рухам пацыфістаў на чале з блогерам Юрыем Шаляжэнкам, усё не так адназначна.
Пазіцыя Шаляжэнкі ў тым, што супраціўляцца расійскай агрэсіі можна — але толькі негвалтоўнымі спосабамі. А перашкодай да міру лічыць не толькі расійскі імперыялізм, але і ўкраінскі нацыяналізм.
У 2023 годзе блогер заклікаў спыніць пастаўкі зброі Украіне.
Летась Шаляжэнку затрымлівала Служба бяспекі Украіны — за тое, што ён заклікаў жыхароў Кіева ўхіляцца ад прызыву і ўцякаць за мяжу. У выніку яго абвінавацілі ў апраўданні расійскай агрэсіі.
Шаляжэнка — даўні партнёр Карач. Іх арганізацыі ўдзельнічаюць у адных і тых жа самітах, іх разам «намінавалі» на Нобелеўскую прэмію.
Чытайце таксама. Хто фінансуе кантору, якая вылучыла «Наш дом» на Нобелеўскую прэмію міру? Шукаем канцы
А калі Вольгу Карач назвалі пагрозай для нацыянальнай бяспекі Літвы, то менавіта арганізацыя ўкраінскага блогера рассылала па СМІ заявы ў яе падтрымку.
Фінансавы памер прэміі, якую атрымалі Карач і астатнія лаўрэаты, не называецца.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары
бу-га-га!!!