У Беларусь збіраецца прыйсці скандальная расійская сетка «Ёбидоёби»
Адна з самых скандальна вядомых расійскіх сетак грамадскага харчавання «Ёбидоёби» збіраецца выйсці на беларускі рынак. На сайце для франчайзі дастаўкі сушы і ролаў Беларусь пазначаная як «прыярытэтны рэгіён развіцця». Акрамя таго, як высветліў Office Life, «Ёбидоёби» запусціла рэкламную кампанію па пошуку беларускіх партнёраў.
«Ёбидоёби» абяцае новым партнёрам адаптаваць сваю эканамічную мадэль для горада, дапамагчы з адкрыццём і выйсці на чысты прыбытак ад $50 тыс. у год. Умовы: кошт франшызы ад $5 тыс., роялці — 4% ад абароту.
За гэта новым партнёрам прапануюць «магутны і скандальна вядомы брэнд», доступ да «велізарнай базы ведаў», маркетынгавае суправаджэнне, гатовы сайт для замовы анлайн, бухгалтарскае і юрыдычнае суправаджэнне і г. д.
Сетку ў 2016 годзе запусцілі прадпрымальнікі Дзмітрый Прадзед і Канстанцін Зімен з Краснаярска. Дастаўка перш за ўсё вядомая сваёй назвай і правакацыйным падыходам да маркетынгу, з-за чаго часта трапляе ў медыйныя скандалы.
Так, напрыклад, у сярэдзіне 2023 года яна прайграла суд з Федэральнай падатковай службай Расеі. Ведамства хацела, каб «Ёбидоёби» змяніла сваю фірмовую назву, бо яна «мае сугучча са словамі ненарматыўнай лексікі, якія маюць непрыстойны змест, а таксама супярэчаць грамадскім інтарэсам і прынцыпам маралі».
Зрэшты, такі падыход да маркетынгу спрацаваў. У кампаніі 82 партнёры і больш за 200 філіялаў у чатырох краінах свету, а гадавы абарот сеткі складае $75 млн.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА54
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары