Маляваныч расказаў, колькі ў яго скралі тэлефонныя махляры і чаму паверыў ім
Акцёр і тэлевядучы Аляксандр Ждановіч, найбольш вядомы як Маляваныч з «Калыханкі», расказаў «Нашай Ніве» падрабязнасці сваіх сумных прыгод з махлярамі.
Усё адбылося вечарам у пятніцу: 18 кастрычніка Аляксандр павінен быў у варшаўскім Беларускім моладзевым хабе правесці вечар батлейкі. Ён вельмі спяшаўся — бо бачыў, што ўжо спазняецца. Не хацелася, каб гледачы чакалі. У галаве былі думкі толькі аб тым, як усё ж паспець на ўласны выступ. Гэта якраз і згуляла на руку махлярам, якія патэлефанавалі акцёру ў максімальна нязручны для яго момант.
Гісторыя была класічная: «супрацоўнікі банка» паведамілі, быццам была спроба зняць грошы з рахунку Аляксандра. Для абароны трэба назваць гэта і гэта… Потым банкінг аказаўся заблакаваным.
— Махляры спачатку размаўлялі на ўкраінскай. Калі я сказаў, што дрэнна яе ведаю, перайшлі на рускую. Канешне, шмат чаго павінна было насцярожыць. Але гэтыя «артысты» мяне купілі тым, што назвалі некаторыя даныя, якія, як я думаў, маглі ведаць толькі сапраўдныя супрацоўнікі банка. Увогуле, як прафесіянал скажу: сыграна выдатна.
Калі Аляксандр зразумеў, што насамрэч адбылося, ён заблакаваў картку. У панядзелак прыйшоў у банк, дзе яму паведамілі: на валютным рахунку з 3 тысяч еўра амаль нічога не засталося. Вярнуць грошы немагчыма.
— Агулам рахунак заблакаваны. Раяць тэлефон абнавіць да першапачатковых налад і паставіць антывірус.
Дапамагчы Маляванычу можна тут.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі2
Каментары
Праклятые расияне, ничыво не могут, только вараваць, уже даже выучыли язык для сваих прэступных схем!
дык а як ён зразумеў, што гэна ўкраінская, калі дрэнна яе ведае? не разумем
дык гэна можа стрыжак быў ? як раз збіраў 3 тысячы еўра для...