На абноўленых картах Google выпадкова апублікавалі спадарожнікавыя здымкі вайсковых аб'ектаў Украіны
Сэрвіс Google Maps абнавіў свае карты. Апублікаванымі аказаліся спадарожнікавыя здымкі вайсковых аб'ектаў Украіны.
Разбураная Кляшчэеўка. Фота: AP Photo / Alex Babenko
Пра гэта напісаў кіраўнік Цэнтра процідзеяння дэзінфармацыі пры РНБА Андрэй Каваленка:
«Уявіце сітуацыю. Гугл выкладвае на картах абноўленыя здымкі, на якіх паліць размяшчэнне нашых вайсковых сістэм (не буду ўдакладняць).
Мы звяртаемся да іх, каб хутка гэта выправіць, але ж у іх выходныя. Не да гэтага.
Расейцы ўжо актыўна разганяюць гэтыя здымкі.
Што не так з гэтым светам?»
Пазней ён дадаў, што пасля публічнай рэакцыі з ім звязаліся прадстаўнікі Google. «Кажуць, што ўжо працуюць над выпраўленнем сітуацыі са здымкамі размяшчэння нашых вайсковых сістэм».
Каментары