Свет33

Z-блогер «Трынаццаты», які крытыкаваў Мінабароны і Крэмль, замест суда паедзе на вайну

Блогера, які сістэматычна крытыкуе расійскае Мінабароны за дрэннае вядзенне вайны, жорстка затрымалі на свяце ў пачатку кастрычніка.

Фота з тэлеграм-канала «Трынаццаты»

Ягора Гузенку 5 кастрычніка жорстка затрымалі на вуліцы ў Новапаўлаўску Стаўрапольскага краю Расіі проста падчас канцэрту з нагоды Дня горада.

На відэа, якое завірусілася ў сеціве, Гузенка, якога паклалі тварам у асфальт, успамінае ўсе вядомыя яму не зусім цэнзурныя словы. 

Спачатку паведамлялася, што яго затрымалі па адміністратыўцы за наркотыкі. Потым стала вядома, што блогера абвінавачваюць у нападзе на паліцэйскага. Аднак да суда справа, мяркуючы па ўсім, не дойдзе.

Сёння канал «Трынаццаты» паведаміў, што суд задаволіў прашэнне Гузенкі аб адпраўцы на фронт. Z-блогер заключыў кантракт з Мінабароны і паедзе на вайну ў складзе штурмавога падраздзялення.

Ягор Гузенка ўдзельнічаў у вайне з Украінай з самага яе пачатку ў 2014 годзе, ваюючы на Данбасе. Аднак, вяртаючыся ў Расію, паводзіў сябе далёка не ціха, з-за чаго ў яго ўзнікалі праблемы.

Вядома, што ў 2022 годзе Гузенка ўжо знаходзіўся пад хатнім арыштам, але парушыў меру стрымання і самавольна паехаў на вайну з Украінай, пасля чаго быў абвешчаны ў федэральны вышук.

А затрымалі яго восенню 2021 года ў Санкт-Пецярбургу пасля бойкі з трыма мужчынамі. Блогер тады заяўляў, што адбіваўся ад іх з аэразольным пісталетам, а ў аддзеле паліцыі, куды яго даставілі, прабіў сцяну, спрабуючы зняць кайданкі.

У блогера амаль 300 тысяч падпісчыкаў, і ён адзін з тых расійскіх ваенкораў, якія, хоць і паслядоўна прытрымліваюцца шавіністычнай і антыўкраінскай пазіцыі, але могуць жорстка крытыкаваць і расійскіх вайскоўцаў, і цывільныя ўлады, закранаючы прынамсі ўскосна нават самога Пуціна. Не так даўно Гузенка, напрыклад, адразу ў некалькіх пастах праводзіў думку, што «здраднікі сядзяць у Крамлі».

Каментары3

  • стекловата
    16.11.2024
    Земля бетоном
  • Ганьба
    16.11.2024
    Ад 13-га да 200-га адзін крок
  • анексія Крыма, вайна на Дамбасe, вайна, вайна ....
    16.11.2024
    Дело движется к концу, Моль летает по дворцу, Какая боль, какая боль, Весь мир плюёт на эту моль! Ждём дистанционную швабру, для повышения духовноскрепности в Швабростане 🇷🇺

    Багдан Хмяльніцкі, тыпу таго, падпісаў некалі "глыбокую" інтэграцыю з
    ардой ... Украінскія гісторыкі кажуць, што Хмяльніцкі нічога не
    падпісваў, і ўсё гэта хлусня! І папер ніякіх не было і няма! А маскоўцы
    кажуцуь, што Хмяльніцкі -- падпісваў, але паперы не захаваліся бо моль
    іх паела. А ў выніку што? Украіна-Русь на доўгія стагоддзі патрапіла пад
    маскоўскі бот. Маскоўская арда скрала назву Украіны -- Русь, усю яе
    гісторыю, міталёгію, культуру і выдае яе за сваю. Узяць бы таго князя
    Уладзіміра, які, нібыта, хрысціў маскавітаў, яшчэ і помнікі яму нахабна
    ставяць. А далей і згадваць не хочацца.... Бальшіцкі джыхад , акупацыя БНР
    , вайна з Польшай , Эстоніей , Фінляндыей, Галадамор, рэпрэсіі, Курапаты, генацыд,
    Новая эмпэрыя , алеграхі, карупцыя , эмперыялізм ...І нaрэшце захоп 1/3 Азербалджана, Молдовы, Грузіі , анексія Крыма, вайна на Дамбасe, вайна, вайна ....

Цяпер чытаюць

Улады назвалі сабекошт паездкі ў грамадскім транспарце Мінска11

Улады назвалі сабекошт паездкі ў грамадскім транспарце Мінска

Усе навіны →
Усе навіны

Незвычайныя прыгоды. Праз паўгода блуканняў вілейская чарапаха вярнулася дадому

Вадзім Галыгін падарыў Леаніду Якубовічу майку БАТЭ і распавёў навіну з прыватнага жыцця12

Загінулы ад выбуху ў Брэсцкім раёне падлетак прынёс боепрыпас з высахлай сажалкі — СК

За нібыта хаатычнай стратэгіяй Трампа стаіць хітры разлік. Вось чым гэта пагражае іншым народам39

«Спрэс шыфраванне й намёкі». У «Музеі Вольнай Беларусі» з'явіўся сакрэтны артэфакт 1773 года2

Выйшла кніга пра асабістыя звычкі Макрона, у якой назвалі яго любімы водар. Вытворца водару не вельмі радуецца навіне2

Таблеткі, практыкаванні ці аперацыя? Ад чаго з’яўляецца міжпазваночная грыжа і як яе лячыць2

«Ужо там кароў не засталося!»: былы начальнік Качанавай аплаквае стан эканомікі на Полаччыне38

У Магілёве нападала 25 см снегу. Гэта больш, чым за ўсю мінулую зіму

больш чытаных навін
больш лайканых навін

Улады назвалі сабекошт паездкі ў грамадскім транспарце Мінска11

Улады назвалі сабекошт паездкі ў грамадскім транспарце Мінска

Галоўнае
Усе навіны →

Заўвага:

 

 

 

 

Закрыць Паведаміць