Чаму ў «Белавія» мала распродажаў і ці апраўдаў сябе рэйс у Індыю
Генеральны дырэктар авіякампаніі «Белавія» Ігар Чаргінец адказаў на некалькі пытанняў.
«Анлайнер» спытаў у гендырэктара авіякампаніі, якія кірункі не апраўдалі сябе за апошнія пару гадоў. Ён адказаў, што такіх не назаве, але ёсць кірункі, «не самыя простыя ў прасоўванні».
«Напрыклад, нашы новыя напрамкі — Мурманск і Махачкала: мы вымушаныя адмяняць гэтыя рэйсы ў зімовым сезоне з-за нізкай загрузкі. Пры гэтым летам загрузка на дадзеных рэйсах высокая».
Складанасці ёсць і з рэйсам у Дэлі.
«З улікам далёкасці палёту мы можам выкарыстоўваць толькі «Боінгі» з мінімальнай умяшчальнасцю 174 пасажыры. І, нягледзячы на высокі інтарэс з абодвух бакоў, загрузку рэйса абцяжарвае неабходнасць атрымання візы як для грамадзян Беларусі, так і для грамадзян Індыі. Думаю, лібералізацыя візавага рэжыму з Індыяй значна спрыяла б росту турыстычных патокаў паміж краінамі», — расказаў Чаргінец.
Ён таксама патлумачыў, чаму распродажы квіткоў нячастыя і часам дзейнічаюць толькі для транзітных пасажыраў.
«Гэта становіцца ўсё складаней з-за істотнага росту выдаткаў авіякампаніі. Напрыклад, за апошнія 1,5 года тарыфы на аэрапортавае і аэранавігацыйнае абслугоўванне выраслі шматкроць.
Датычна акцый для транзітных пасажыраў: авіякампанія ўжо шмат гадоў працуе над прыцягненнем транзітных пасажыраў. У дакавідныя часы паказчык транзітных пасажыраў на нашых рэйсах дасягаў 50%. Гэта нармальная практыка ў авіяцыі, калі білет са стыкоўкай і без акцый можа каштаваць значна танней прамога. Авіякампаніі змагаюцца за кожнага транзітнага пасажыра, бо варыянтаў даляцець з пункту А ў кропку Б са стыкоўкай, як правіла, значна больш, чым магчымасцяў трапіць у патрэбны пункт напрамую».
Цяпер чытаюць
Шэсць фактаў пра Андрэя Шведа — былога генпракурора, які цяпер стаў старшынёй Вярхоўнага суда4
Каментары