У Лукашэнкі заявілі, што Беларусь у Сірыі — не зацікаўлены гулец
Прэс-сакратарка Лукашэнкі Наталля Эйсмант пракаментавала сітуацыю ў Сірыі.
«Так, безумоўна, за развіццём падзей у Сірыі мы ўважліва назіраем. Хоць і не з'яўляемся зацікаўленым гульцом у рэгіёне і ніякім чынам не ўмешваемся ва ўнутраныя справы», — цытуе словы Наталлі Эйсмант БелТА.
Яна дадала, што Мінск выступае за больш хуткую стабілізацыю сітуацыі і заклікае да міру.
«Сірыйскі народ быў і застаецца для Беларусі дружалюбным, нас звязваюць даўнія добрыя адносіны. Менавіта ў гэтай сувязі нам па-чалавечы неабыякавыя працэсы, якія адбываюцца там. Таму мы выступаем за больш хуткую стабілізацыю сітуацыі ў інтарэсах дабрабыту людзей. Беларусь у любых вострых сітуацыях (дзе б яны ні адбываліся) заклікала і заклікае да міру — гэтая наша пазіцыя нязменная», — сказала Эйсмант.
Пасольства Беларусі застаецца ў Дамаску і працягвае працу
Прызначаны Асадам пасол Сірыі ў Расіі назваў ягоныя ўцёкі «ганебнымі і зневажальнымі»
Сірыйскія ўцекачы масава вяртаюцца на радзіму пасля звяржэння рэжыму Башара Асада
У пасольстве Сірыі ў Мінску знялі сцяг
«Пераварот зялёнай паласы». Чаму новая ўлада змяніла дзяржаўны сцяг Сірыі
Над пасольствам Сірыі ў Маскве паднялі новы сцяг
Каментары
Лукашысцкі рэжым заўсёды бараніў людажэрны рэжым Асада ў ААН - ў лістападзе 2014 лукашысцскі амбасадар у ААН галасаваў супраць рэзалюцыі аб парушэнні рэжыма Асада правоў чалавека пад час баявых дзеянняў, ў снежні 2016 - супраць рэзалюцыі аб раследванні ваенных злачынстваў у Сірыі, у снежні 2017 - супраць рэзалюцыі аб становішчы з правамі чалавека ў Сірыі. Узамен Асад у інтэрв'ю АНТ у 2015 пеў дыфірамбы Лукашэнку і купляў у яго процьму зброі, у тым ліку і лятальнай - стралковай, артылерыйскай, а таксама сродкі СПА і РЭБ. Адначасова Лукашэнка прадаваў зброю савецкага ўзору сірыйскім паўстанцам праз Балгарыю.
https://eadaily.com/ru/news/2017/08/30/kak-belorusskoe-oruzhie-na-100-mln-popalo-k-dzhihadistam-v-sirii
То бок грамадзянская вайна ў Сірыі стала для Лукашэнкі моцнай крыніцай даходаў ад продажу лятальнай зброі усім бакам канфлікту, так што ёю забівалі ня толькі праціўнікаў Асада, але таксама і ягоных жаўнераў, і вагнераўцаў.