Новы міністр Чарнецкі збіраецца паляваць на ворагаў у беларускай культуры
Руслан Чарнецкі пазначыў адзін з кірункаў сваёй кадравай палітыкі на міністэрскай пасадзе.
Новы міністр культуры Руслан Чарнецкі расказаў, што практыка пошуку «ворагаў» у культуры пры ім працягнецца.
Прапагандыстка «СБ» Людміла Гладкая спытала ў чыноўніка, ці закрануць яго новаўвядзенні тых людзей, якія «засмечваюць галовы і працуюць на ворага».
«Зразумела, мы ў гэтай справе будзем вельмі сур'ёзную працу праводзіць. Яна і вялася заўсёды. І будзе працягвацца. Таму што ворагаў не павінна быць у нашай сферы, асабліва ў сферы культуры. Культура вялікі ўплыў мае ў масах. І мы тут павінны жыць адной ідэяй, адной мэтай. Шчыра прычым. А ворагі нам тут не патрэбныя», — заявіў Чарнецкі.
Пошукам «ворагаў» у сферы культуры актыўна займаўся папярэднік Чарнецкага Анатоль Маркевіч. У кастрычніку ён нават абвясціў, што беларуская культура »ачысцілася ад дэструктыўных элементаў». Але новы міністр лічыць, што гэты працэс павінен быць перманентным.
Нагадаем, прызначаючы акцёра на пасаду, Лукашэнка даручыў яму «памерці, але навесці парадак». Становішча спраў у беларускім кіно ён назваў ганьбай. Чарнецкі, дарэчы, з гэтым пагадзіўся: у інтэрв'ю ён сказаў, што яму гэта было зразумела даўно.
«Тое, як гэта ўсё развіваецца, я бачыў, працуючы непасрэдна ўнутры кінавытворчасці. Гэта было сказана для ўсёй краіны, каб было зразумела, што наша кіно павінна выходзіць на зусім іншы ўзровень», — растлумачыў словы Лукашэнкі міністр.
Нядаўна Чарнецкі, які за жыццё памяняў шмат прафесій, выступіў яшчэ і ў вобразе рокера: ён прэзентаваў свой кліп на песню «Я — беларус», у якім пляваўся ў выдуманых ворагаў.
«Будзе здымаць маштабныя праекты з сабой у галоўнай ролі». Што думаюць пра новага міністра культуры Чарнецкага яго калегі?
Новы міністр культуры выпусціў кліп — плюецца ў выдуманых ворагаў
Новы міністр культуры распарадзіўся здымаць фільмы пра вайну і сялян. І паабяцаў прарыўнае кіно
Афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары