Міністр заявіў, што беларуская культура ачысцілася ад «дэструктыўных элементаў»
Анатоль Маркевіч у духу часу назваў работнікаў галіны байцамі культурнага фронту. «Нас цэлае войска».
Міністр культуры Анатоль Маркевіч з нагоды Дня работнікаў культуры паразважаў аб стане гэтай сферы ў краіне.
Кіраўнік ведамства заявіў, што работнікі сферы культуры мабілізаваныя на бітву за Беларусь, піша БелТА.
«Культура з'яўляецца той сферай, якая здольная даць годны адпор антыпатрыятычным і амаральным выклікам і пагрозам. Нас больш за 50 тысяч. Гэта цэлае войска. І сёння ўсе мы — байцы культурнага фронту, мабілізаваныя на духоўную бітву за Беларусь.
Час выбраў нас. Ад міністра да загадчыка клуба і сельскага бібліятэкара залежыць поспех у барацьбе за розумы і душы суграмадзян», — заявіў Маркевіч.
Ён таксама абвясціў перамогу над «дэструктыўнымі элементамі», ад якіх, на яго думку, беларуская культура ачысцілася.
«Ачысціўшыся ад дэструктыўных элементаў, культурная супольнасць засяродзіла намаганні на вырашэнні галоўнай задачы — выхаванні дастойных грамадзян і патрыётаў Беларусі. У гэтай працы актыўна выкарыстоўваецца патэнцыял нашых музеяў і аб'ектаў гісторыка-культурнай спадчыны», — мяркуе Маркевіч.
Міністр таксама пахваліўся, што патрыятычная ў разуменні ўладаў тэматыка стала галоўнай у працы тэатральна-відовішчных арганізацый і нацыянальнай кінастудыі «Беларусьфільм».
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5151
Каментары