Жыхар Мінскага раёна памёр ад атручвання пасля ўжывання этыленгліколю, паведамілі ў Дзяржаўным камітэце судовых экспертыз.
У міліцыю паступіла інфармацыя ад дыспетчара хуткай дапамогі, што ў адным з дамоў знойдзены без прыкмет жыцця мужчына 1963 года нараджэння.
Ён працаваў на смеццеперапрацоўчым прадпрыемстве, дзе сярод іншага смецця знайшоў цэлафанавы пакет з ружовай вадкасцю і вырашыў яе выпіць.
Эксперты высветлілі, што грамадзянін памёр ад вострага атручвання, выкліканага ўжываннем этыленгліколю.
Пазней былі зарэгістраваныя два падобныя выпадкі — у бальніцу ў цяжкім стане трапілі яшчэ двое работнікаў таго ж прадпрыемства, якія пілі тую ж вадкасць.
Да Камітэта распавялі, што этыленгліколь — гэта празрыстая алеістая вадкасць, якая не мае паху і колеру. Часцей за ўсё ён ужываецца для вырабу антыфрызаў для аўтамабільных сістэм астуджэння.
Судовыя эксперты нагадваюць пра важнасць выканання мер засцярогі пры выкарыстанні патэнцыйна небяспечных вадкасцяў: не варта пераліваць іх у бутэлькі з-пад напояў, а таксама спрабаваць вызначыць рэчыва на смак.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца6
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары