Лукашэнка: Беларусы нічым не адрозніваюцца ад людзей, якія нарадзіліся ў Пскове ці Ленінградзе
У размове з кіраўніком расійскага Следчага камітэта Аляксандрам Бастрыкіным Лукашэнка зноў заявіў, што беларусы нічым не адрозніваюцца ад расейцаў. Перад гэтым ён атрымаў чарговы расейскі медаль.
Лукашэнка распавёў Бастрыкіну, што іх погляды на жыццё нічым не адрозніваюцца. Пры гэтым у размове ён згадаў і Пуціна, назваўшы яго проста «старшым».
«Грэх бы быў, калі б мы не сустрэліся, калі вы ў Беларусі знаходзіцеся. Маё стаўленне да вас вы ведаеце. Нашы погляды на жыццё, я б сказаў, абсалютна ідэнтычныя. Разыходжанняў практычна няма. Шмат пра вас чую, бачу, па тэлевізары, праўда, на жаль.
Старшы таксама распавядае, як вы працавалі разам, калі мы дакранаемся гэтай тэмы. Увогуле, з парадку дня ў нас не сыходзіце, з добрага парадку», — заявіў Лукашэнка.
Ён падзякаваў Бастрыкіну за садзейнічанне ва ўсіх пытаннях. І зноў пачаў разважаць пра тое, што беларусы нічым не адрозніваюцца ад жыхароў Пскова, дзе нарадзіўся Бастрыкін, ці Пецярбурга.
«Ведайце, што мы гатовыя ў любы момант адказаць самым-самым добрым чынам. Вы ведаеце, беларусы такія людзі — яны нічым не адрозніваюцца ад тых, хто нарадзіўся не толькі ў Пскове, але і ў Ленінградзе. Мы лічым, гэта нашы людзі. Зусім побач», — паўтарыў свой звыклы тэзіс Лукашэнка.
Бастрыкін прыехаў у Мінск, каб падвесці вынікі працы расійскага і беларускага Следчых камітэтаў. Таксама ён парадаваў Лукашэнку чарговай расійскай узнагародай: ведамасным медалём «За вернасць службоваму абавязку».
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію11
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары