У Краснадары мужчына зарэзаў суседзяў і спаліў іх дом. Але з залы суда яго адразу адпусцілі на вайну
Мужчыну прызначылі 18 гадоў калоніі і адразу ж перадалі вайскоўцам.
Скрыншот відэа
Аляксандр Сцяшук атрымаў судзімасць за забойства, разбой, крадзеж і рабаванне. У 2021 годзе ён пракраўся ў двор пажылой пары і забіў іх нажом.
Пасля гэтага мужчына забраў з дому каштоўныя рэчы, 140 тысяч рублёў (на той момант прыкладна 2000 даляраў) і падпаліў дом, каб схаваць свае сляды злачынства, пішуць «Осторожно, новости».
Краёвы суд у Краснадары прысудзіў Сцешука да 18 гадоў калоніі і адразу ж разгледзеў хадайніцтва аб адпраўцы яго на вайну супраць Украіны.
Асуджанага злачынцу прызналі прыдатным да службы па кантракце і адпусцілі на фронт у зале суда. Прадстаўнікі абароны і абвінавачвання не пярэчылі. З залы суда мужчыну перадалі ўпаўнаважанай вайсковай асобе.
Каментары