Мы часам п'ём вітаміны не задумваючыся. Спецыялісты адзначаюць, што прыём вітамінаў у неадпаведны час можа прывесці да непажаданых пабочных эфектаў. Асабліва трэба ўстрымацца ад прыёму некаторых вітамінаў вечарам.
Вітаміны групы B
Вітаміны групы B неабходныя для належнага функцыянавання крывяноснай і нервовай сістэм. Яны ўдзельнічаюць у выпрацоўцы сератаніну — гармону, які ўплывае на настрой і сон, а таксама ўскосна звязаны з утварэннем мелатаніну — гармону сну.
Аднак гэтыя вітаміны могуць узмацняць мазгавую актыўнасць, што часам выклікае цяжкасці з засынаннем пры вечаровым прыёме. Таму іх лепш прымаць у першай палове дня — раніцай ці падчас абеду. Яны добра засвойваюцца як з ежай, так і без яе, але прыём падчас ежы дапамагае знізіць рызыку страўнікавага дыскамфорту.
Вітамін D
Вітамін D, вядомы як «вітамін сонечнага святла», мае вялікае значэнне для здароўя костак, падтрымання нервовай сістэмы і імунітэту. Ён таксама валодае ўскоснымі антыбактэрыяльнымі ўласцівасцямі.
У той жа час, як адзначаюць спецыялісты, вячэрні прыём гэтага вітаміну можа запавольваць натуральную выпрацоўку мелатаніну, якая спрыяе здароваму сну. Таму рэкамендуецца прымаць вітамін D раніцай, каб падтрымаць натуральныя цыркадныя рытмы арганізма.
Мультывітаміны
Мультывітамінныя комплексы, як і асобныя вітаміны, трэба прымаць у вызначаны час сутак. Лепш за ўсё рабіць гэта раніцай падчас сняданку або ў абед.
Полівітаміны звычайна ўтрымліваюць тлушчараспушчальныя вітаміны (D, E, A, K), якія лепш засвойваюцца разам з ежай, што змяшчае тлушчы. Калі ў склад комплексу ўваходзяць вітаміны групы B, іх варта прымаць у першай палове дня (да 14:00), каб пазбегнуць праблем са сном.
Вітамін С
Гэты вітамін адыгрывае важную ролю ў арганізме. Ён падтрымлівае імунную сістэму, дапамагаючы лейкацытам знішчаць шкодныя мікраарганізмы. Таксама ён паскарае гаенне ран, умацоўвае сценкі сасудаў і рэгулюе выпрацоўку калагену, які важны для здароўя скуры і тканак. Акрамя таго, вітамін С спрыяе зніжэнню крывянога ціску і ўзроўню халестэрыну.
Аднак аскарбінавую кіслату, ці вітамін С, не рэкамендуецца прымаць на ноч. Прычына ў тым, што прыём гэтага вітаміну нашча ў некаторых людзей можа выклікаць раздражненне слізістай абалонкі страўніка. Акрамя таго, позні прыём можа справакаваць непрыемныя сімптомы, напрыклад, страўнікава-кішачны рэфлюкс (перамяшчэнне страўнікавага змесціва ў стрававод і ротавую поласць).
Кальцый
Позні вечар — не найлепшы час для прыёму кальцыю. Гэты мінерал можа зніжаць эфектыўнасць некаторых лекаў, напрыклад, антыбіётыкаў ці прэпаратаў ад гіпертаніі. Акрамя таго, кальцый здольны перашкаджаць засваенню жалеза, цынку і магнію. Таму яго варта прымаць асобна ад полівітамінаў або ежы, багатай жалезам.
У той жа час на ноч варта прымаць магній, бо ён спрыяе расслабленню мышцаў, супакаенню нервовай сістэмы і паляпшэнню засынання.
Незалежна ад часу сутак разам з ежай можна прымаць вітамін А.
Каб пазбегнуць магчымых непажаданых эфектаў (асабліва калі вы прымаеце іншыя лекі ці маеце хранічныя захворванні) і падабраць правільны час прыёму вітамінаў і мінералаў, дапаможа кансультацыя з доктарам.
Арыштаваны 75‑гадовы Зміцер Санько — ветэран-выдавец3
Каментары
Препараты кальция могут уменьшить всасывание из пищи железа, цинка и магния. Однако у людей с нормальной обеспеченностью этими минералами это не имеет клинического значения в долгосрочной перспективе. Пациенты с риском дефицита железа, цинка или магния должны принимать препараты кальция перед сном, а не во время еды, чтобы избежать замедления всасывания микроэлементов.
Дык які магній на ноч? Атрымліваецца, што ўсё наадварот. Навошта блытаць людзей, калі ёсць дакладныя інструкцыі?
Правильно, когда под боком потный колобок, а чарка разрешается только по праздникам, остается только магнием упарываться.