«Дыямент, тры разы вымыла праходы». Правадніца чыгункі прывяла ў захапленне пасажыраў
Беларуска верыць у сілу тыктоку і просіць прэміі для незнаёмай правадніцы ў цягніку.
Часта ў тыктоку з’яўляюцца відэа, у якіх людзі чымсьці незадаволеныя — яны скардзяцца і спрабуюць праз сацсеткі знайсці справядлівасць.
Але ж бываюць і прыемныя выключэнні. Нядаўна беларуску, якая ехала з Віцебска ў Мінск, настолькі ўразіла правадніца, што яна вырашыла прысвяціць ёй відэа ў тыктоку.
— Я шмат разоў ездзіла ў цягніках, — напісала яна, — але гэта правадніца мега-супержанчына. Тры разы вымыла праходы (мне здаецца, яна адзіная з усіх правадніц Беларусі выконвае нейкія правілы і робіць чысціню для людзей). Вельмі ветліва размаўляла з усімі і расказвала ад А да Я, калі і каму яна зможа прынесці каву і гэтак далей.
Дзяўчына адзначыла, што верыць у моц тыктоку і просіць Беларускую чыгунку выпісаць прэмію правадніцы за душэўнасць і добразычлівасць.
За суткі відэа набрала каля 340 тысяч праглядаў і 30 тысяч лайкаў. Але ж аптымізм беларускі падзяляюць не ўсе каментатары. Нехта хвалюецца, што праз такую ўвагу ў правадніцы могуць быць праблемы.
Самы папулярны каментарый, які набраў 1550 лайкаў, такі: «Напішыце афіцыйную падзяку, больш толку будзе, чым ад тыктоку. Ды і выкладваць дрэнная ідэя. Убачаць правяральнікі, што нешта не так, і штраф дадуць ці звольняць». Каментатарка дадала, што ў яе на працы ў аналагічнай сітуацыі чалавека звольнілі. А вось ад афіцыйнай падзякі ў міністэрства сапраўды можа быць карысць — і прэмія.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары