У Фінляндыі грамадзянам Беларусі і Расіі забаранілі ездзіць на экскурсіі на АЭС. У тым ліку школьнікам
Пра гэта стала вядома пасля таго, як школьніку, які мае фінскі і расійскі пашпарты, не дазволілі паехаць на экскурсію на АЭС разам с класам.
У Фінляндыі прынята рашэнне не дапускаць грамадзян Беларусі і Расіі на АЭС Олкілуота.
Пра гэта стала вядома пасля таго, як на экскурсію не пусцілі школьніка з двума грамадзянствамі — Фінляндыі і Расіі. Хлопец разам з іншымі вучнямі гімназіі павінен быў наведаць АЭС Олкілуота. Аднак ён атрымаў ліст, у якім гаварылася, што яго не дапусцяць на экскурсію, бо ён нарадзіўся ў Расіі, піша yle.fi.
«Я атрымаў інфармацыю з Олкілуота, што з прычыны бяспекі і сусветнай сітуацыі, якая склалася, ты не можаш прыняць удзел у візіце на АЭС, таму што нарадзіўся ў Расіі. Гэта жорсткая лінія карпаратыўнай бяспекі, на якую, на жаль, немагчыма паўплываць», — гаварылася ў паведамленні ад настаўніка.
Дырэктарка прэс-службы АЭС Олкілуота Ёханна Ахо расказала, што на падставе ацэнкі рызык у сферы карпаратыўнай бяспекі і супрацоўніцтва з уладамі было прынята рашэнне не дапускаць грамадзян Расіі і Беларусі на экскурсіі на ядзерныя аб’екты.
У паліцыі бяспекі паведамілі, што глабальнага рашэння аб узмацненні мер бяспекі на стратэгічных аб’ектах не прымалася. Але кіраўніцтва аб'ектаў самастойна адказвае за бяспеку.
«Аператары крытычнай інфраструктуры самі адказваюць за меры бяспекі на сваіх аб’ектах, а таксама за парадак прыёму наведвальнікаў. Заканадаўства або іншыя рэкамендацыі не абмяжоўваюць наведванне аб’ектаў крытычнай інфраструктуры для асоб з двума грамадзянствамі», — адзначылі ў паліцыі.
Маці хлопчыка назвала сітуацыю абсурднай.
«Няўжо на АЭС сапраўды думаюць, што дзіця можа аказацца шпіёнам? У чым сэнс адмовы? Як мой сын нясе адказнасць за «сітуацыю, якая склалася ў свеце»? Гэта абсалютна расісцкае, недарэчнае і супрацьпраўнае абгрунтаванне яго няўдзелу ў экскурсіі», — лічыць жанчына.
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі35
Каментары
Падобна, што вас заклініла...