У Беларусі шмат пытанняў, якія патрабуюць абмеркавання з Польшчай, заявіў міністр замежных спраў Беларусі Максім Рыжанкоў у эфіры «Беларусь 1».
У адказ на пытанне, як МЗС адрэагуе на ацэнку беларускіх выбараў польскім міністрам Радаславам Сікорскім, ён сказаў: «Не суй нос туды, куды табе не трэба».
Пры гэтым Максім Рыжанкоў запэўніў, што беларускі бок адкрыты для дыялогу з польскімі ўладамі, бо ёсць шмат пытанняў, якія патрабуюць абмеркавання і вырашэння.
«Міністэрства замежных спраў Польшчы пра гэта дакладна ведае. У нас ёсць кантакты, мы ў папярэднім парадку пра гэта гаворым», — заявіў беларускі міністр.
Кіраўнік беларускага знешнепалітычнага ведамства нагадаў, што афіцыйныя польскія ўлады нібыта зрабілі стаўку на эмігрантаў, якія імкліва губляюць апошнія рэшткі падтрымкі на Захадзе. «І ўжо палякі, і літоўцы паводзяць сябе, як гулец, які, ведаеце, прайграў усё, але ўвесь час думае адыграцца, павышае стаўкі», — адзначыў Максім Рыжанкоў.
На яго думку, эмацыйную рэакцыю заходніх краін на падзеі ўнутры Беларусі можна растлумачыць тым, што сітуацыя для іх інтарэсаў складваецца ўсё горш.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары