У расійскім Дагестане кот ужо больш за 7 гадоў жыве на магіле свайго гаспадара
Хадзіжа ўпершыню заўважыла ката ў 2018 годзе, калі прыйшла на магілу да старэйшага брата і на адной з іншых магіл заўважыла жывёлу.
Сваякі распавялі дзяўчыне, што за некалькі месяцаў да гэтага там быў пахаваны гаспадар ката, пасля чаго ён пасяліўся на магіле свайго гаспадара, піша Baza.
Па словах дзяўчыны ёй стала шкада ката і яна забрала яго да сябе дадому. Калі кот паеў і паспаў, ён пачаў прасіцца на вуліцу.
Калі яна выпусціла ката, ён пабег на тую ж самую магілу.
З тых часоў кот увесь час жыве менавіта там. Мясцовыя назвалі яго Хаціка, а таксама пастаянна прыносяць яму ежу.
Праз пастаяннае жыццё на вуліцы пад снегам і дажджом жывёла часта хварэе. Цяпер у яго развілася пнеўманія, ад вільгаці згніло вуха.
Таксама ў ката сапсаваныя зубы і пячонка. Хадзіжа аднесла ката да ветэрынараў. Зараз яго лечаць у адной з клінік Махачкалы, але ў бліжэйшы час плануюць адправіць на лячэнне ў Санкт-Пецярбург.
Цяпер кот увесь час знаходзіцца ў кіслароднай камеры — без яе ён задыхаецца. У Пецярбургу кату павінны пралячыць ныркі і пасля гэтага, калі яму стане лепш, жывёлу плануюць аддаць новым гаспадарам, якія пагадзіліся даглядаць яго.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4444
Каментары