Kamisiju dla vypracoŭki prapanoŭ pa farmavańni novaha składu ŭrada, jaki skłaŭ paŭnamoctvy paśla prezidenckich vybaraŭ, uznačaliŭ kiraŭnik Administracyi Dźmitryj Kruty, piša BiełTA.
Raniej Łukašenka na sustrečy z davieranymi asobami na minułych prezidenckich vybarach daručyŭ stvaryć takuju kamisiju ŭ składzie vyšejšych słužbovych asob.
«Treba stvaryć kamisiju z vyšejšych słužbovych asob. urad vykonvaje ŭ nas abaviazki (skłaŭ paŭnamoctvy). Treba zaraz pahladzieć pa śpisie, pačynajučy ad premjer-ministra da kiraŭnika kancerna i hubiernataraŭ. Na hetaj kamisii Kačanava, Sierhiejenka (kiraŭniki pałat parłamienta), hienieralny prakuror i hetak dalej — voś hetaja viarchuška. Chaciełasia b, kab vy svaje prapanovy ŭnieśli, vaša mierkavańnie my razhledzim pry pryniaćci rašeńniaŭ, — skazaŭ Łukašenka na sustrečy z davieranymi asobami.
Žurnalisty pacikavilisia ŭ staršyni Savieta Respubliki Natalli Kačanavaj, ci padychodziŭ chtości ŭ kułuarach ź dziejnaha składu ŭrada sa słovami, što hatovy pracavać.
«Da mianie dakładna nichto nie padychodziŭ. Adzinaje, my razumiejem, što ŭsie ludzi dziaržaŭnyja. I ja dumaju, što kožny z nas razumieje: my-ludzi, jakija słužym dziaržavie. Jany prosta kazali: «Jak skaža kiraŭnik dziaržavy. Dzie siońnia ja patrebny bolš krainie, ja budu pracavać tam», — raspaviała jana.
Ciapier čytajuć
Siarhiej Cichanoŭski pierabraŭsia žyć u Łos-Andželes52
Kamientary
Navat dyktatar viedaje, što proźviščy nie źmianiajucca