Грамадства66

Беларус адкрыў у Варшаве студыю манікюра, дзе робяць пачварныя пазногці ФОТЫ

Трэш-манікюр — трэнд апошніх некалькіх гадоў. Яго называюць ugly nails («пачварныя пазногці»). Беларус Аляксей Вашкевіч паўтара года таму адкрыў у Варшаве студыю, дзе якраз робяць такія: стылізуюць пазногці насякомымі, скурай змяі, грыбамі, зямлёй… Хлопец расказаў, як рашыўся адкрыць такі незвычайны салон і ці шмат у яго кліентаў.

Аляксей. Фота: тут і далей асабісты архіў

«Рабіць проста роўныя пазногці — гэта сумна. Я гляджу на гэта як на мастацкую справу»

Аляксею 27 гадоў, па адукацыі — скульптар. Ён скончыў Акадэмію мастацтваў ва Уроцлаве ў 2021 годзе.

«Ва ўніверсітэце зацікавіўся вывучэннем гендарнай няроўнасці, стэрэатыпаў: сіняе — для хлопчыкаў, ружовае — для дзяўчынак. Пайшоў на курсы манікюру, хутчэй, для эксперыменту — паказаць, што мужчыны гэта таксама могуць», — расказвае Аляксей.

Рабіць манікюр аказалася не так проста, як ён сабе ўяўляў. Хлопец закінуў гэту справу на некалькі гадоў.

Але пасля ўніверсітэта зноў стаў пілаваць пазногці. Спачатку прымаў кліентаў дома, а праз паўгода зняў невялікі пакой для працы.

«Рабіць проста роўныя пазногці — гэта сумна. Я гляджу на гэта ўсё як на мастацкую справу. Калі яшчэ пачынаў рабіць незвычайны манікюр, не было назвы ugly nails як трэнда, гэта ўжо пазней з'явілася. У польскім грамадстве ёсць вялікі запыт на ugly nails. Многія зараз хочуць персаналізацыі, стаміліся ад базавай вопраткі, валасоў, пазногцяў. Ugly nails сталі выразам сябе», — тлумачыць ён. 

«Студыя акупілася за год»

Праз год працы ў сваім кабінеце Аляксей задумаўся пра студыю: колькасць кліентаў расла. Ён знайшоў інвестара, які даў грошы на адкрыццё салона.

«Сума акупілася за год, — расказвае Аляксей. — Паўгода працаваў у студыі я адзін, а пасля набраў персанал, бо людзей стала яшчэ больш. Цяпер маем 300 кліентаў на месяц. Узяў тры дзяўчыны — дзве ўкраінкі і адна полька. Цяпер як майстар я працую менш, бяру на дзень недзе тры-чатыры кліенты. Яшчэ ў нас ёсць невялікі кабінет, дзе хлопец-беларус робіць татуіроўкі».

Інвестар, які прафінансаваў студыю, меў досвед у вядзенні бізнэсу, таму хлопцу пашанцавала. Як і з памяшканнем, якое знайшлося выпадкова — гэта былая крама рукадзелля. Арэнда (70 квадратаў) каштуе 1500 еўра на месяц. Большую частку інвестыцый давялося ўкласці ў абсталяванне і мэблю. 

Ці было складана знайсці майстроў, якія ўмеюць рабіць ugly nails?

«Не, трэнд ужо актыўна развіваецца, — кажа хлопец. — Як некаторыя кліенты стаміліся ад базавых пазногцяў, так і майстры».

Асноўныя кліенты Ugly nails — маладыя людзі ад 16 да 25 гадоў, але часам прыходзяць і старэйшыя. Аляксей кажа, што сярод студый канкурэнтаў у іх няма. 

Кошт пачварных пазногцяў — ад 70 да 120 еўра

Пазногці ў студыі могуць набываць самыя дзіўныя формы. Майстры затапляюць у лаку насякомых, зямлю, лісце, змяіную скуру, грыбы. Па часе такі манікюр займае дзве гадзіны, кошт дасягае 120 еўра.

«У плане гігіены тут усё ў парадку, таму што пазногаць пакрываецца спачатку базай, і ўжо без розніцы, што зверху. Часам кліенты самі прыносяць, што хочуць затапіць у пазногці, напрыклад, аўтобусны білет».

На старце ў студыі рабілі толькі «пачварныя» пазногці, звычайнага манікюру не было. Але потым Аляксей вырашыў змяніць стратэгію. 

«Калі нехта прыходзіў на звычайны манікюр, то я казаў, што гэта каштуе столькі ж, — расказвае ён. — З'явілася ідэя ўвесці такую ​​працэдуру, каб нарошчваць кліенцкую базу. Хтосьці прыйдзе адзін раз, паглядзіць на ugly nails і ў наступны раз захоча зрабіць». 

Аляксей марыць калі-небудзь стварыць манікюр з бурштынавым эфектам.

А пакуль самыя незвычайныя яго дызайны — затоплены ў лаку камар, манікюр з сапраўднымі грыбамі, валасамі ката кліенткі і змяінай скурай.

Каментары6

  • Подобное тянется к подобному
    23.02.2025
    Czego Ci brakuje?, как рыбак рыбака видит из далека, так и неадекват неадеквата))
  • Неадэкватны непаляк
    23.02.2025
    Czego Ci brakuje?, а хто вам сказаў што палякі адэкватныя?
  • Ахахаха
    23.02.2025
    Czego Ci brakuje?, так в эту стадию ходят в основном поляки 😁
    В какую категорию их запишете и как к ним будете относиться?

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям58

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць