Выступленні прадстаўнікоў АдГ учора суправаджаліся гучнымі апладысментамі залы.
За некалькі дзён да выбараў у Бундэстаг правапапулісцкая партыя «Альтэрнатыва для Германіі» заклікала Берлін трымацца ўбаку ад вайны ва Украіне, паведамляе Deutsche Welle.
«Гэта не наша вайна», — заявіў увечары 19 лютага ў Нойенхагене сузаснавальнік і ганаровы старшыня АдГ Аляксандр Гаўланд. Тую ж фразу паўтарыў і сустаршыня партыі Тына Хрупала.
Выступленні прадстаўнікоў АдГ суправаджаліся гучнымі апладысментамі залы, дзе прысутнічалі каля 400 слухачоў. У той жа час на вуліцы адбывалася акцыя пратэсту супраць ультраправых. Пратэстоўцы скандавалі: «Нацысты, вон!». Бяспеку гарантавала паліцыя.
Падчас свайго выступлення Гаўланд заявіў, што вайна Расіі ва Украіне — гэта канфлікт паміж дзвюма краінамі, а не паміж Расіяй і Германіяй. Паводле яго слоў, украінскі лідар Уладзімір Зяленскі «хацеў бы зрабіць нас удзельнікамі вайны, сцвярджаючы, што Украіна абараняе таксама і нашу свабоду».
Хрупала, у сваю чаргу, падкрэсліў, што Германія не павінна больш траціць грошы на чужыя войны.
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры4
Каментары
Член партии «Альтернатива для Германии» (AfD) Йорг Дорнау, депутат парламента земли Саксония, владеет сельскохозяйственным предприятием в Беларуси, где используется труд политических заключенных. Его компания «Цыбулька-Бел», расположенная в Лидском районе, заключила соглашение с местным Центром изоляции правонарушителей (ЦИП), привлекая осужденных по политическим статьям к работе на луковой плантации. Заключенные, задержанные за участие в митингах или выражение несогласия с режимом Лукашенко, работали в сложных условиях и получали около 5 евро в день, при этом часть заработка шла на содержание в ЦИП. Сам Дорнау лично контролировал их работу.