Яўген Дудкін, нядаўна раскрыты агент КДБ з асяроддзя Беларускай хрысціянскай дэмакратыі, напісаў пост у фэйсбуку, у якім паведаміў, якім быў ягоны агентурны псеўданім, што ўвогуле цікавіла органы, а таксама на якіх канкрэтна асоб ён даносіў.
Паводле слоў Дудкіна, ягоны агентурны псеўданім быў Радзівіл.
Спецыялізацыяй гэтага агента была дастаўка інфармацыі пра «антыдзяржаўныя» прамовы ці іншую падобную дзейнасць у Каталіцкай царкве, пра кіраўніцтва Беларускай хрысціянскай дэмакратыі і іншых палітычных арганізацый, пра «дэструктыўную дзейнасць дзеячаў прафсаюза РЭП, а таксама пра студэнтаў, якіх падазравалі ў «радыкалізме ці вярбоўцы замежнымі службамі».
Таксама Дудкін назваў прозвішчы 10 чалавек, адносна якіх у яго цікавіліся супрацоўнікі КДБ:
Аляксандр Буракоў, Ігар Барысаў, Уладзімір Шанцаў, Віктар Макаранка, Ігар Лабкоў, Сяргей Верамеенка, Тасія Кабанчук, ксёнз Раман Факсіньскі, Алег Мяцеліца і Андрэй Бодзілеў.
Спіс гэты, аднак, як падкрэслівае сам «Радзівіл», зусім няпоўны, бо пералічыў ён толькі тых, хто цяпер на волі і за мяжой. Большасць жа людзей, на якіх ён даносіў, застаюцца ў Беларусі.
Агент Дудкін расказаў, як даваў КДБ справаздачы пра Латушку і магілёўскіх студэнтаў
Яўген Дудкін патлумачыў, чаму стаў сакрэтным агентам КДБ
Яўген Дудкін: Я быў сакрэтным супрацоўнікам КДБ. Але толькі да 2016 года
Дудкін аспрэчвае, што ён агент КДБ: Прычына кампаніі супраць мяне — мая паспяховая дзейнасць
Рымашэўскі: Рытарычнае пытанне, колькі яшчэ будзе выяўлена агентаў спецслужбаў з суполкі Дзмітрука. Але гэта не БХД
БХД: Адзін з лідараў партыі Яўген Дудкін прызнаўся, што з'яўляецца даўнім агентам КДБ
Каментары
Першым быць заўсёды цяжка.