МАРГ хоча забараніць прадаваць тавары ў Беларусі даражэй, чым за мяжой
Некаторыя беларускія прадпрыемствы лічаць унутраны рынак прэміяльным і ўстанаўліваюць на ім цэны вышэйшыя, чым на знешнім. Пра гэта заявіў кіраўнік МАРТ Артур Карповіч. Ён лічыць, што так можа быць толькі з дазволу чыноўнікаў.
Паводле міністра, МАРГ фіксаваў выпадкі, калі прадукцыя аднаго і таго ж прадпрыемства ўнутры краіны каштуе значна даражэй, чым пры продажы за мяжу. Ведамства лічыць такую сітуацыю несправядлівай у адносінах да беларускіх пакупнікоў.
— Вытворца часцяком у пагоні за выкананнем паказчыка па экспарце забывае пра ўнутраны рынак, разумеючы, што гэта нікуды ад яго не дзенецца. Ёсць факты, калі на ўнутраны рынак вытворцы пастаўляюць прадукцыю значна даражэй, чым прадаюць яе на экспарт. Нашы людзі не павінны перакрываць рэнтабельнасць, якую недаатрымлівае прадпрыемства на тэрыторыі замежных дзяржаў, — адзначыў Карповіч.
Каб пазбегнуць такой практыкі, міністэрства прапануе на заканадаўчым узроўні ўстанавіць правіла: беларускія вытворцы не змогуць пастаўляць прадукцыю на экспарт танней, чым яна каштуе ўнутры краіны.
«У выключных выпадках прадаставіць права абласным выканаўчым камітэтам, Мінгарвыканкаму… узгадняць вываз прадукцыі па цэнах ніжэйшых, чым тавар пастаўляецца на ўнутраны рынак. Я думаю, што эфект будзе», — кажа Карповіч.
Цяпер чытаюць
Мінчук абурыўся кантынгентам у сталічным метро: Усе з новымі айфонамі, але не могуць дазволіць сабе танную машыну ці паездкі на таксі?22
Каментары