Памежны камітэт расказаў сваю версію закрыцця беларуска-латвійскай мяжы
У Дзяржаўным памежным камітэце Беларусі расказалі сваю версію закрыцця латвійскага пункта пропуску «Патэрніекі», які ў нядзелю не працаваў некалькі гадзін. Прычынай стала група афрыканцаў.
«Прычынай перакрыцця руху стала група афрыканцаў, якія накіроўваліся ў Еўрапейскі саюз па сапраўдных дакументах. Пасля перасячэння беларуска-латвійскай мяжы ў сумежным пункце пропуску дзесяці іншаземцам было адмоўлена ў афармленні. Латвійскі памежны нарад перагарадзіў дарогу ў абодвух кірунках металічным плотам і не прапускаў замежнікаў, якія спрабавалі высветліць прычыну адмовы ва ўездзе на тэрыторыю суседняй дзяржавы, — гаворыцца ў паведамленні.
У ДПК не ўдакладнілі, ці мелі афрыканцы права на ўезд у Латвію.
Сёння раніцай кіраўнік Латвійскай пагранічнай службы Гунціс Пуятс патлумачыў дзеянні латвійскага боку з’яўленнем на пункце мігрантаў.
Таксама Пуятс сказаў, што Памежная служба звернецца да ўрада, які ўжо ў аўторак можа разгледзець магчымасць забароны пешага і роварнага перасячэння мяжы, дазволіўшы толькі перасячэнне на аўтамабілях.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім10
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары