У Мінску 13‑гадовы хлопец выпадкова задушыўся, калі здымаў забаўляльнае відэа для сацсетак
А дзіця з аўтызмам выйшла ў акно, пакуль бацькі выпілі тры літры піва і вырашылі адпачыць.
Ад пачатку года ў Мінску загінулі пяць непаўналетніх. Чатыры выпадкі суіцыду, а адзін падлетак задушыўся.
Маці знайшла 13‑гадовага сына ў пятлі. Гэта не было суіцыдам — падстаў і намеру пазбавіць сябе жыцця ў падлетка не было. Ён хацеў запісаць відэа забаўляльнага характару, але спроба, на жаль, завяршылася няшчасным выпадкам са смяротным вынікам.
Старшы пракурор аддзела пракуратуры па наглядзе за выкананнем заканадаўства аб непаўналетніх і моладзі Вікторыя Капылова распавяла «Мінск-Навінам» і пра іншы трагічны выпадак: загінула дзіця з інваліднасцю, у якога дыягнаставаны аўтызм.
Бацькі падчас абеду выпілі тры літры піва і ляглі адпачываць. Іх сын спачатку сядзеў побач з імі з тэлефонам, а потым яму стала сумна, і ён выйшаў на балкон, адкуль і выпаў.
А ў маі двое 13‑гадовых падлеткаў набылі ў краме рулон фольгі і сумесь для прачысткі труб. Яны збіраліся правесці з імі дослед, змяшаўшы рэчывы ў бутэльцы з вадой, — хлопцам было цікава даведацца, якая хімічная рэакцыя адбудзецца. Раптам бутэлька пачала награвацца і лопнула ў руках аднаго са школьнікаў. Яе змесціва трапіла яму на твар і шыю. Падлетак атрымаў сур’ёзныя апёкі, але выжыў.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў16
Каментары