Pamiežny kamitet raskazaŭ svaju viersiju zakryćcia biełaruska-łatvijskaj miažy
U Dziaržaŭnym pamiežnym kamitecie Biełarusi raskazali svaju viersiju zakryćcia łatvijskaha punkta propusku «Paternijeki», jaki ŭ niadzielu nie pracavaŭ niekalki hadzin. Pryčynaj stała hrupa afrykancaŭ.
«Pryčynaj pierakryćcia ruchu stała hrupa afrykancaŭ, jakija nakiroŭvalisia ŭ Jeŭrapiejski sajuz pa sapraŭdnych dakumientach. Paśla pierasiačeńnia biełaruska-łatvijskaj miažy ŭ sumiežnym punkcie propusku dziesiaci inšaziemcam było admoŭlena ŭ afarmleńni. Łatvijski pamiežny narad pieraharadziŭ darohu ŭ abodvuch kirunkach mietaličnym płotam i nie prapuskaŭ zamiežnikaŭ, jakija sprabavali vyśvietlić pryčynu admovy va ŭjeździe na terytoryju susiedniaj dziaržavy, — havorycca ŭ paviedamleńni.
U DPK nie ŭdakładnili, ci mieli afrykancy prava na ŭjezd u Łatviju.
Siońnia ranicaj kiraŭnik Łatvijskaj pahraničnaj słužby Huncis Pujats patłumačyŭ dziejańni łatvijskaha boku źjaŭleńniem na punkcie mihrantaŭ.
Taksama Pujats skazaŭ, što Pamiežnaja słužba źvierniecca da ŭrada, jaki ŭžo ŭ aŭtorak moža razhledzieć mahčymaść zabarony piešaha i rovarnaha pierasiačeńnia miažy, dazvoliŭšy tolki pierasiačeńnie na aŭtamabilach.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary