Эканоміка

Кошт аўтамабільнай страхоўкі цяпер будзе разлічвацца ў базавых велічынях

Прэс-служба Аляксандра Лукашэнкі паведаміла, што 18 сакавіка ён падпісаў указ № 108 «Аб страхаванні». Дакумент, як заяўляецца, «прыводзіць у адпаведнасць з законам «Аб страхавой дзейнасці» (уступіў у сілу 1 студзеня 2025 года) асобныя прававыя акты».

Фота ілюстрацыйнае

«У ліку навацый указа — наданне магчымасці выплачваць страхавыя ўнёскі (ажыццяўляць выплаты) у безнаяўнай форме з выкарыстаннем сучасных плацежных сродкаў; усталяванне ў базавых велічынях (да гэтага былі ў еўра) страхавых сум і памераў страхавых унёскаў па абавязковым страхаванні ўладальнікаў транспарту, медстрахаванні замежных грамадзян з часовым знаходжаннем», — гаворыцца ў паведамленні.

Акрамя гэтага, указ прадугледжвае, што «дамова абавязковага страхавання грамадзянскай адказнасці ўладальнікаў транспартных сродкаў дапаўняецца дзейнай у Беларусі і Расіі дамовай саюзнага страхавання».

«Вызначаецца парадак страхавых выплат пацярпелым у выніку ДТЗ у выпадках, калі перавозчык не заключыў дамову абавязковага страхавання адказнасці перад пасажырам і немагчыма спагнаць шкоду ў судовым парадку. У выпадку выплат кіроўцам за кошт сродкаў гарантыйных фондаў дададзена прычыненне шкоды жыццю або здароўю ў выніку ДТЗ з удзелам дзікіх жывёл незалежна ад віны кіроўцы», — адзначаецца ў рэлізе.

Указам «надаецца магчымасць ажыццяўлення выплат страхавой кампенсацыі на адрас нерэзідэнта ў замежнай валюце ў рамках дамовы страхавання грамадзянскай адказнасці рэзідэнта па экспартным кантракце».

«Для абавязковага страхавання ад няшчасных выпадкаў на вытворчасці і прафесійных захворванняў устаноўленыя гранічныя памеры сум, якія могуць быць спагнаныя «Белдзяржстрахам» з вінаватых у прычыненні шкоды застрахаваным асобам у кошт выплачанага ім страхавога забеспячэння (пры прычыненні шкоды наўмысна — 2 тыс. базавых велічынь, без намеру — 500). Спрошчаныя ўмовы атрымання страхавальнікам растэрміноўкі ў выплаце пратэрмінаваных страхавых унёскаў, штрафаў, пеняў», — заяўляе прэс-служба Лукашэнкі.

Таксама ўказам «уведзены шэраг абмежаванняў у дзейнасці страхавых пасярэднікаў».

Раней паведамлялася, што з 1 студзеня на тэрыторыі Беларусі пачаў дзейнічаць адзіны з Расіяй поліс АСАГА (абавязковае страхаванне аўтаграмадзянскай адказнасці).

Каментары

Цяпер чытаюць

Дзе нарадзіліся вядомыя беларусы? Больш за дзесяць тысяч асоб сабралі на адной карце1

Дзе нарадзіліся вядомыя беларусы? Больш за дзесяць тысяч асоб сабралі на адной карце

Усе навіны →
Усе навіны

Украінцы ўзялі ў палон ураджэнца Магілёва і прысудзілі яму 15 гадоў за дзяржаўную здраду10

«Мы будзем адказваць на ўсе ўдары з боку Расіі». Зяленскі адрэагаваў на заяву Крамля пасля перамоў з ЗША3

У Бярозаўскім раёне жанчына набыла праз аўкцыён хату сваёй бабулі3

Аляксандр Івулін завёў мілага сабаку. Пра такую пароду вы, магчыма, не чулі16

«Трамп, відаць, не пагадзіўся на гэтыя вар'яцкія ўмовы»: першыя рэакцыі на размову Трампа з Пуціным8

Маршрутка для тых, хто курыць, ці самагонны апарат на колах? У Бабруйску заўважылі незвычайнае аўто1

«Вельмі добрая і прадуктыўная». Трамп пракаментаваў сваю размову з Пуціным4

Якія назвы вуліц самыя папулярныя ў Беларусі?5

Пад Віцебскам інструктары ПВК «Вагнер» трэніруюць афрыканскіх байцоў кіраваць дронамі2

больш чытаных навін
больш лайканых навін

Дзе нарадзіліся вядомыя беларусы? Больш за дзесяць тысяч асоб сабралі на адной карце1

Дзе нарадзіліся вядомыя беларусы? Больш за дзесяць тысяч асоб сабралі на адной карце

Галоўнае
Усе навіны →

Заўвага:

 

 

 

 

Закрыць Паведаміць