Na froncie va Ukrainie źnik bieź viestak jašče adzin biełarus, jaki pavajavaŭ na baku Rasii miesiac
Na vajnie va Ukrainie źnik hramadzianin Biełarusi Andrej Kułaha, jaki vajavaŭ na baku Rasii. Jak paviedamili «Radyjo Svaboda» ŭ prajekcie «Nie ždi mienia iz Ukrainy», pa dapamohu ŭ pošukach źviarnułasia jaho dačka Taćciana.
«2 kastryčnika 2024 hoda jon pajšoŭ. U 8:30 ranicy jon zdaŭ telefon i z hetaha dnia bolš nikoli nie vychodziŭ na suviaź», — paviedamiła dziaŭčyna.
Pavodle infarmacyi prajekta, Andrej Kułaha naradziŭsia 2 červienia 1979 hoda i žyŭ u Mahilovie. U vieraśni 2024 hoda jon padpisaŭ kantrakt z pryvatnaj vajskovaj kampanijaj «Jastrab», vajavaŭ pad pazyŭnym «Aleks». Z 6 lutaha 2025 hoda jaho ličać źnikłym bieź viestak.
U 2024 hodzie Andreja Kułahu šukali pry dapamozie pošukava-vyratavalnaha atrada «Fieniks». Zhodna z tahačasnaj abjavaj, jon znachodziŭsia ŭ Sankt-Pieciarburhu, a z kastryčnika źnik. Siarod asablivych prykmiet tam pieraličvali tatuiroŭku na plačy ŭ vyhladzie ščyta i miača z podpisam «Śviaź».
Novyja abviestki pra jaho pošuk pačali raźmiaščać u studzieni 2025 hoda, ale ŭžo 19 studzienia pad adnoj z takich publikacyj aŭtarka dapisała kamientar «znojdzieny, žyvy».
Što viadoma pra PVK «Jastrab»
U lutym 2023 hoda va Ukrainie zajavili, što ŭ Rasii stvaryli PVK «Jastrab», kab nibyta vycisnuć PVK «Vahnier» i jaje zasnavalnika Jaŭhiena Pryhožyna ź infarmacyjnaj prastory.
Ale PVK «Jastrab» dziejničaje z 2014 hoda, choć aficyjna jaje zarehistravali tolki ŭ 2018 hodzie ŭ Sankt-Pieciarburhu. Zasnavalnik kampanii — Alaksiej Maruščanka. Spačatku jana pazicyjanavała siabie jak «padraździaleńnie pieramoŭnikaŭ». Aficyjny statut PVK praduhledžvaje 46 vidaŭ dziejnaści, ale asnoŭny — «dziejnaść u rasśledavańni».
U publikacyjach, pryśviečanych hetaj kampanii (jakich niašmat), śćviardžajecca, što jana zajmajecca supravadžeńniem i achovaj kaštoŭnych hruzaŭ, supravadžaje marskija karabli, achoŭvaje abjekty naftahazavaj pramysłovaści, masavyja mierapryjemstvy, a taksama sadziejničaje «pošuku źnikłych bieź viestak u niebiaśpiečnych rajonach i zonach bajavych dziejańniaŭ i sadziejničaje ŭ abmienie pałonnymi».
U toj ža čas sam Alaksiej Maruščanka śćviardžaje, što bajcy PVK «Jastrab» vajavali ŭ Siryi, Livii, a z 2014 hoda na ŭkrainskim Danbasie.
U vieraśni 2022 hoda ŭ składzie PVK było 150 najmitaŭ. Pra ciapierašniuju kolkaść dakładnaj infarmacyi niama.
Adrazu paśla padpisańnia kantraktu kiraŭnictva PVK abiacaje pieraličyć najmitu 1,8 miljona rasijskich rubloŭ, a dalej vypłačvać ad 210 tysiač kožny miesiac.
Raniej stała viadoma pra źniknieńnie bieź viestak va Ukrainie biełarusaŭ Jaŭhiena Iljina, Michaiła Šałhuna, Siarhieja Aŭsiańnikava, Dźmitryja Hubickaha. Jašče adzin biełarus — Ihar Chasanaŭ, jakoha šukali svajaki, paźniej znajšoŭsia z ranieńniem u adnym z špitalaŭ u akupavanaj častcy Łuhanskaj vobłaści. Usie jany vajavali na baku Rasii.
Na vajnie źnik bieź viestak «Biełarus» — žychar Baraŭlanaŭ, jaki ŭchilaŭsia ad biełaruskaha vojska, ale pajšoŭ pamirać za Rasiju
Na vajnie źnik bieź viestak biełaruski zvarščyk, jaki pavajavaŭ za Rasiju nie bolš za miesiac
Stała viadoma pra hibiel «Bulbaša», jaki vajavaŭ za Rasiju
Znajšoŭsia adzin z troch źnikłych bieź viestak biełarusaŭ, jakija vajavali va Ukrainie na baku Rasii
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary