У ізраільскай пустыні знайшлі загадкавую піраміду, поўную скарбаў
Археолагі знайшлі ў Ізраілі загадкавую пірамідальную структуру, узрост якой складае каля 2200 гадоў. Яна размешчаная ў даліне Нахаль Заар каля Мёртвага мора і здзівіла даследчыкаў як сваёй архітэктурай, так і змесцівам. Унутры — зброя, бронзавыя манеты, каштоўнасці, тканіны і нават гістарычныя дакументы на папірусе, піша Daily Mail.
Па словах прадстаўніка Ізраільскага ўпраўлення даўніны (IAA), гэта збудаванне — адна з самых уражальных археалагічных знаходак, зробленых у Іўдзейскай пустыні. Яна пабудаваная ўручную з абчасаных камянёў, кожны блок якіх важыць сотні кілаграмаў.
Археолагі мяркуюць, што піраміда магла служыць альбо вартавой вежай на гандлёвым шляху, альбо магільнай пабудовай.
Знаходка датуецца эпохай Пталямеяў і Селеўкідаў — кіраўнікоў, якія кантралявалі гэты рэгіён больш за два тысячагоддзі таму. У знойдзеных бронзавых манетах ёсць адзнакі цара Антыёха IV, а сам аб'ект, магчыма, з'яўляўся прамежкавай станцыяй для падарожнікаў, якія перавозілі соль, бітум і іншыя каштоўныя ў той час рэсурсы.
Навукоўцы таксама знайшлі ўнікальныя пісьмовыя дакументы, якія, верагодна, пральюць святло на жыццё ў пустыні. У лагеры археолагаў адзначаюць, што кожны дзень выяўляюць новыя прадметы, уключаючы посуд, рэшткі мэблі, зброю і ўпрыгажэнні.
Раскопкі — частка маштабнай аперацыі, якая доўжыцца ўжо восем гадоў і скіраваная на прадухіленне рабаванняў і знішчэння гістарычнай спадчыны. Спецыяльныя падраздзяленні выявілі больш за 900 пячор уздоўж скал пустыні, дзе ўжо знойдзеныя скруткі, драўляныя вырабы, фрагменты скуры і калекцыі манет.
Хоць піраміда і не падобная да егіпецкіх, яе гістарычная каштоўнасць можа быць не меншай. Ізраільскія археолагі працягваюць раскопкі і чакаюць, што галоўныя адкрыцці ў іх яшчэ наперадзе.
Навукоўцы змаглі вызначыць магчымых сваячак Ефрасінні Полацкай дзякуючы генетычнаму аналізу
У Іспаніі знайшлі фрагменты костак самага старажытнага з вядомых у Заходняй Еўропе людзей
Вялікая Кітайская сцяна «пастарэла» на 300 гадоў
У Вілейскім раёне адшукалі адзіную на Беларусі ювелірную майстэрню крывічоў
У Нацыянальным мастацкім музеі праходзіць незвычайная выстаўка
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары
Kali ŭžo kaŭčeh znojduć, što habrei ciahali pa pustuni, z chieruvimami dy skryžaliami, i zapavietami na ich ? Jaho ž nie ŭ Salamonavym chramie, ni ŭ Davidavym nie bylo, nie daniesli ... A dzie dzieli ?