Грамадства1717

Ці пагражае ўзлом акаўнта Мельнікавай тым, хто галасаваў на выбарах у Каардынацыйную раду? Адказвае Лібер

Усхваляваная віцэ-спікерка Каардынацыйнай рады Стася Гліннік паведаміла пра тое, што яшчэ 13 сакавіка невядомыя выгрузілі з акаўнта зніклай спікеркі Анжалікі Мельнікавай файлы, якія тычыліся дзейнасці КР. Стратэгічны план, бюджэт, даклады… І калі выкраданне стратэгічнага плана КР беларускімі спецслужбамі — гэта нешта з разраду палітычнага анекдота, то як справа з сапраўды адчувальнай рэччу — асабістымі данымі ўдзельнікаў галасавання ў протапарламент? 

Павел Лібер

«Па-першае, на момант выбараў [на чале КР] яшчэ не было ніякай Мельнікавай», — супакойвае айцішнік Павел Лібер, да якога з адпаведным пытаннем звярнулася «Наша Ніва». Падчас правядзення выбараў у Каардынацыйную раду Лібер арганізоўваў тэхнічны бок галасавання. 

«Па-другое, ніхто з КР не меў доступу да персанальных даных. Па-трэцяе, у прынцыпе не існуе нейкай цэнтральнай базы ўдзельнікаў галасавання, якую можна выкрасці, выкупіць ці ўзламаць. 

Усе персанальныя звесткі заставаліся ў тэлефонах карыстальнікаў і нікуды не сцякаліся. Галасавалі людзі хэшам — унікальным лічбавым адбіткам, у які пераўтвараліся іх асабістыя даныя. Набор лічбаў, сімвалаў і літар. 

Так што, адказ: не, узлом Мельнікавай ніякім чынам не пагражае тым, хто прагаласаваў», — рэзюмаваў Лібер. 

Анжаліка Мельнікава

Пра знікненне спікеркі Каардынацыйнай рады Анжалікі Мельнікавай яе калегі паведамілі ўвечары 28 сакавіка. У заяве Паўла Латушкі гаварылася, што сувязь адсутнічае з 25 сакавіка, аднак гаворка ідзе пра анлайн-камунікацыю. Насамрэч Мельнікаву ўжывую не бачылі ўжо даўным-даўно. Пазней стала вядома, што Анжаліка Мельнікава пакінула тэрыторыю Еўрасаюза 26 лютага, а яе былы муж з'ехаў з Польшчы ў Беларусь 3 сакавіка.

7 красавіка журналістам «Люстэрка» ўдалося паразмаўляць з былым мужам Анжалікі Мельнікавай, які пацвердзіў, што знаходзіцца ў Беларусі, а дзеці — пры ім. Бацькі Мельнікавай у размове з журналістам «Еўрарадыё» таксама пацвердзілі, што дзеці знаходзяцца ў Беларусі, а пра месцазнаходжанне самой Анжалікі яны самі нібыта нічога не ведаюць.

Выканаўца абавязкаў спікеркі Каардынацыйнай рады Станіслава Гліннік 8 красавіка паведаміла, што была атрыманая інфармацыя, «якая тычыцца бяспекі ўсёй Каардынацыйнай рады».

Падчас дадатковай праверкі было пацверджана, што 13 сакавіка з акаўнта Анжалікі Мельнікавай былі спампаваныя файлы, да якіх яна мела доступ у рамках працы Каардынацыйнай рады. Сярод іх — стратэгічны план, бюджэт, унутраныя даклады і іншыя аперацыйныя матэрыялы, пачынаючы з ліпеня 2024 года.

Пацвердзілася таксама інфармацыя пра тое, што тэлефон Мельнікавай 19 сакавіка працаваў з тэрыторыі Беларусі.

Каментары17

  • Язэп Вакуліч
    09.04.2025
    сколькі стукачоу́ разкрылі , агентуры , а Беларусы у́сё рагочуць .
    ..цы в глаза а им божья роса
  • Айтишник 80 lvl
    09.04.2025
    Все эти взломы, сливы, липовые паспорта, кгбшные кроты и пропавшие спикерки совершенно безопасны. Никому ничего не грозит, особенно находящимся в РБ. Инфа 100%. Продолжаем сражаться с режимом, кто в деле - шлите личные данные.
  • а навошта
    09.04.2025
    яны стварылі акаўнт лукашэнкаўскай агентцы?

Цяпер чытаюць

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў2

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Усе навіны →
Усе навіны

Зяленскі прапанаваў Пуціну перайсці «да ўзроўню размовы лідараў»

Пашыраюцца кібератакі пад выглядам анімэ. З пачатку года ў Беларусі больш за тысячу выпадкаў3

На мяжы затрымалі актывіста з Рэчыцы Алеся Здаравеннава, а ў Мінску ягонага брата Вадзіма

У Мінску мужчына заснуў у аўтобусе і атрымаў дзявятую судзімасць1

Мірсалімава назвала Умку «сабакам, які рохкае ў кадры» і «прыніжае прамоўленыя Пуціным словы і сэнсы»30

Пуцін заявіў Лукашэнку, што ва Украіне Расія не захоплівае тэрыторыі, а вяртае свае. Той засмяяўся12

Келагу паказалі кампраметуючыя відэаматэрыялы на беларускую апазіцыю? Так мяркуе Латушка25

Дзяржаўныя прапагандысты абвясцілі Бондараву «шкоднай змагаркай»7

Былую кандыдатку ад партыі Гайдукевіча пасадзілі за ўдзел у пратэстах1

больш чытаных навін
больш лайканых навін

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў2

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Галоўнае
Усе навіны →

Заўвага:

 

 

 

 

Закрыць Паведаміць