Берасцейка падманула на грошы 20 чалавек. А потым дадала ўсіх у чат і пачала з іх здзекавацца
Жанчына брала перадаплату за тавары, якія не збіралася прадаваць. А ў назве чата параўнала пакупнікоў з жывёламі.
Жыхарка Брэста была дырэктаркай фірмы па продажы мэблі і дзвярэй. Але зарабляць яна вырашыла ашуканствам.
20-гадовая бізнэсвумен арэндавала гандлёвы павільён у Брэсце. Яна аформіла заказы ад пакупнікоў на суму больш за 36 тысяч рублёў. Але, узяўшы перадаплату, з пастаўкай тавару зацягвала.
Дзяўчына пераконвала пакупнікоў, што ва ўсім вінаватыя пастаўшчыкі, якія затрымліваюць тавар. І абяцала, што хутка вырашыць пытанне. Аднак дзверы і мэблю людзі так і не атрымлівалі, піша БелТА.
Праз некаторы час дзяўчына стварыла суполку ў месенджары, у якую дадала ўсіх ашуканых пакупнікоў. Але не для таго, каб прасіць прабачэння і паведамляць пра навіны. У чаце прадпрымальніца адкрыта высмейвала сваіх кліентаў, кпіла з іх і абражала. Нават у назве суполкі яна выкарыстоўвала параўнанне з жывёламі.
Ашуканыя пакупнікі звярнуліся ў міліцыю. На жанчыну завялі крымінальную справу за махлярства ў асабліва буйным памеры.
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары